Izan zirelako, gara

Mila partidatik gora jokatu dituzte, milatik gora baino askoz gehiago eta bakarrik bi futbolari dira ibilbide osoan partida kopuru hori gehitu zutenak. Edozelan ere, zifra horiek oso baloiaren profesional gutxiren eskueran egon litezke, baina Jose Angel Iribar eta Luis Arconadari buruz ari garenean, zenbakiak edo lorpenak euren ibilbidea edo atepeko irudia baino harago doaz.

Iribarrek eta Arconadak bat egin zuten joandako astelehenean ‘Korner Festibalaren’ hasieran, Real Sociedadek babestutako futbola eta kultura batzen duen saioan, Athletic Club Fundazioaren parte-hartzearekin inaugurazio ekitaldian.

Telebistan agertzen den Aitor Lagunasek zuzendu zuen solasaldia, eta bi atezainek, oraindik zalantzarik bazegoen, euren esperientzien eta futboleko bilakaeraren eta atezain postuaren inguruko ikuspuntuaren kontakizunarekin argi utzi zuten zergatik diren Athletic eta Real Sociedadeko historia berria azaltzerakoan ezinbesteko erreferentziak.

Iraganeko, egungo eta etorkizuneko belaunaldien ispilu izan dira eta izango dira, beraz, Iribar eta Arconadarekin inoiz baino zentzu handiago dauka “izan zirelako gara, garelako izango dira” esaldia.

Futbola etengabeko bilakaeran ari da, eta biek ala biek baieztatu zutenez, izugarrizko maila fisikoa eta oin-jokorako baldintza bikainak izatea dira gaur egungo beharrak, beharbada futbol garaikidean jokoz kanpo utziko lieketena. Funtsean, hipotesi hutsa da. Egia esan, bataren itxura dotorea eta neurritasuna eta bestearen izaera eta bizkortasuna, oraindik oso balio handiko ezaugarriak izango lirateke dirua talentuaren gainetik dagoen negozio honetan.