“Bazkideen hitza”, mahai-inguru zuri-gorriak

Athletic Clubek Bazkideen Hitza deritzon topaketa-jardunaldietako lehenengoa ospatuko du datorren martxoaren 6an, asteazkena, 18:00etatik 20:00etara, San Mameseko areto batean. Denboraldian zehar astero egingo den jarduera honen bitartez, Zuzendaritza-Batzordeak hauteskunde-kanpainan agindutakoa abian jarri, Klubaren jabeekin bere konpromisoa berretsi eta lan-batzorde hauen bidez bazkide bakoitzaren iritziak eta iradokizunak bideratzeko bide zuzena eskaintzen du.

Jardunaldi hauetan gure bazkideek, Fundazioaren kideek (Club Athletic) eta Gazte Abonoa dutenek, gure Klubari buruz dituzten hausnarketak eta kezkak lehen eskutik ezagutzeko partizipazio-gunea sortzea du helburu.

Bi ordutan zehar 50 lagunek bai gaurkotasun zuri-gorriaren gaineko proposamenak eta ekarpenak bai Klubaren etorkizunarekin zerikusia dituzten kontuak jarriko dizkie mahai gainean Athletic Cluben ordezkariei. Nortasuna, filosofia, balioak, Lezama, kide izatearen zentzua, animazioa, harrobia, futbol garaikidearen mehatxuak, emakumezkoen futbolaren bilakaera, industria eta Athletic markaren nazioartekotzea xehetasunez aztertuko diren gai batzuk izango dira. Aitor Elizegi presidenteak mahaietako solasaldietan eta eztabaidetan hartuko du parte.

Bazkideen Hitza jardunaldien lehen edizio honetan parte hartzeko interesdunek posta elektroniko bat bidali beharko dute bere izena, bi abizen, NAN zenbakia, adina, Klubarekin duten erlazioa (bazkidea, Club Athletic Kidea, Gazte Abonoa) eta telefono zenbakia honako helbidean zehaztuz: [email protected]

Kluba eskatzaileekin harremanetan jarriko da eta lehen baino lehen bere asistentziaren baieztatzeko San Mamesen aurkeztu beharreko eguna eta ordua adieraziz. Onartutako 48 lehenengo eskaeratik hasita parte-hartzaileen zerrenda bat osatuko da, eta Bazkideen Hitzaren hurrengo jardunaldietara joateko deia jasoko dute, eskatzaile guztiek Athletic Clubi egin nahi dizkioten gogoetak eta proposamenak adierazi gabe gera ez daitezen.