Peñen elkarretaratzea Alacanten
Peñen elkarretaratzea Alacanten
Santiago Bernabeu baino eskenatoki hoberik ez dago Europarako aukerak sendotu eta finkatzeko. Madrilen taldeari laguntasuna bertatik bertara emateko denontzako sarrerarik ez badago ere, abagune aparta da eta zaleok urrutitik eztarriak urratuko ditugu taldea bultzatzeko.
Santiago Bernabeu baino eskenatoki hoberik ez dago Europarako aukerak sendotu eta finkatzeko. Madrilen taldeari laguntasuna bertatik bertara emateko denontzako sarrerarik ez badago ere, abagune aparta da eta zaleok urrutitik eztarriak urratuko ditugu taldea bultzatzeko. Valentziar erkidegoko zaleek, esate baterako, beraien harri-koskorra ekarriko dute Murtzia eta Gaztela-Mantxako zuri-gorrien laguntasunarekin. Igande honetan, berpizkunde egunean, hitzordua dute Alacanteko Emilio Alvarez biribilgunean. Bertan, partaide guztiei harrera beroa egin ostean Bar Sanchon duten egoitzan bapo bazkalduko dute, azkenburukoekin batera Real Madrilen aurkako norgehiagoka ikusteko. Zuzendaritza Batzako Begoña Castaño izango da ekitaldi honetan Klubaren ordezkaria.
Momentuz, Alacanten egingo den elkarretaratzea honetarako hogei bat peñek izena eman dute, eta kopurua gorantz doa.
Los Txupones
Peña Amigos del Athletic el Salinero
Peña San Miguel de Salinas
Peña Karajo de Villena
Peña Noveldense
Peña Benejuzar
Peña Crevillent
Peña Villenera
Peña Madriguerense 66
Peña J.M Argoitia de Almansa
Peña San Mamés 1898-98 de Callosa
Peña El Chopo de Aspe
Peña Huerta de Murcia
Peña Vall
Peña Alcoy
Peña Orelluts
Peña Gainza de Minglanilla
Peña Bilbaina de Archena
Peña la Vila
Halaber, Athletic Clubeko ordezkaritza batek bilera bat izango du igandean, apirilaren 21ean, 12:30ean, Madrilen, Euskal Etxea Peñarekin.