Gorantza egiteko derbia

Emakumezkoen Athletic Clubek Real Sociedad izango du aurrez aurre datorren igandean, Iberdrola Lehen Mailaren bosgarren jardunaldian. Azken asteburuan lehiaketak izan duen etenaldiaren ondoren, zuri-gorriak berriro lehiatuko dira, oraingoan Real Sociedaden aurka Reale Arena zelaian (igandea 13an, 16:00etan). Lehoi emeen eta txuri-urdinen arteko hamabosgarren partidua izango da zelai donostiarrean, eta hirugarrena Realeko estadioan.

Aurrekariei so eginez gero, zuri-gorriek balantze hobea dituzte; izan ere, etxetik kanpo gipuzkoarren aurka jokatutako 14 partiduetatik, 8 irabazi dituzte, 5 berdindu eta behin bakarrik galdu du Athleticek Zubietan 2-0eko emaitzaz (2016-2017 denboraldia). Derbia Reale Arenan jokatuko da berriro ere, azken sasoian gertatu zen bezala -orduan Joseba Aguirrek zuzendutako jokalariek 2-2 berdindu zuten-, baita orain dela bi denboraldi ere, Athletic Clubek 1-4ekoaz erabateko garaipena lortu zuenean. Erika Vazquez, 7 golekin, eta Nekane, 4-rekin, zelai donostiarrean gol gehien sartu dituztenak izan dira.

Real Sociedad partidurik galdu gabe helduko da derbira, eta Angel Villacamparen jokalariek azken emaitzen norabidea aldatzea izango dute helburu talde zuri-gorriarentzat oroitzapen onekoa den bisita honetan.