Athletic eta literatura, Letrak eta Futbola ekimenaren barruan
Athletic eta literatura, Letrak eta Futbola ekimenaren barruan
Gaurko saioa Athletic Club taldeak literaturan izandako egitekoari buruzkoa izango da
Bost egile aurkeztuko ditugu, denak desberdinak, baina Athleticekin nolabaiteko lotura izandakoak, eta talde zuri-gorriak literaturan izan duen presentziari buruz hitz egingo dute. Santiago Segurola (Barakaldo, 1957) oso ezaguna da kazetari moduan. El País egunkarian izandako ibilbide luzea da bereziki aipagarria. Laura Mintegik (Lizarra, Nafarroa, 1955) ez du bere bost nobeletako batean ere futbolaren gaia landu, baina bai narrazio labur batean, eta hainbat prentsa artikulutan, karga kritikoarekin, gainera. Jon Rivasek (Bilbao, 1959) futbolari eta txirrindularitzari buruzko kronikak idatzi ditu, baita liburuak ere, hala nola Mr. Pentland, Bielsa eta Adurizen figurei buruzkoak. Carlos Ranedo (Bilbao, 1994) “Historias de San Mamés” eta “El mejor equipo del mundo” liburuen egilea da. Azkenik, Kike Martín (Abanto-Zierbena) arituko da moderatzaile moduan, kultura arloko kazetari entzutetsua.
Gainera, zendutako Jose María Múgica kazetaria omenduko dugu (1935-1993), Athleticen historian izandako kronista handienetako bat.
Atzoko jardunaldiari buruz
Atzo, asteazkenean, San Mamesen egindako jardunaldian, Aritz Gorrotxategi, Martin Etxeberria eta Jon Kortazar idazle euskaldunek parte hartu zuten. Aurreko Irakurketa Klubean, Jose Roberto Torero brasildak egindako “una historia de fútbol” liburuaren txanda izan zen, eta bertan, Mikel San Josez gain, Athletic Clubeko haur talde batek ere parte hartu zuen.