Etxean, 2019ko podiumean

Atzo San Mamesen jokatutako partidarekin, Athletic Clubek bikain amaitu zuen 2019. urtea Katedralean. Gaizka Garitanoren taldeak bere historiako zenbaki onenetakoak sinatu ditu etxean urte arrunt batean. Bartzelonak bakarrik gainditu ditu zuri-gorriak eta aurten Real Madrilek etxeko puntuetan haiei berdintzeko aukera dauka oraindik.

Athleticek 44 puntu lortu ditu aurten San Mamesen (hamahiru garaipen, bost berdinketa eta porrot bakarra), eta Barçak bakarrik gainditu ditu 49 punturekin, eta kopuru horrek 55 puntura igo dezake abenduaren amaiera arte geratzen zaizkion bi partidak irabaziz gero (Klasikoa eta Alavesen aurkako partida). Bestalde, Real Madril da (orain 41 ditu) talde zuri-gorriari berdindu diezaioken talde bakarra, datorren igandean Santiago Bernabeun jokatuko den neurketan (21:00etan) irabazten badio. Atletico Madril hirugarren da sailkapen berezi honetan, 2019ko etxeko 19 partidetan lortutako 43 punturekin.

Athletic Clubek 2019an San Mamesen egindako zenbaki bikainak lortutako eta jasotako golen balantzearekin (30/10) berresten dira. Guztira, 13 garaipen, porrot bat (Valentziaren aurka) eta bakarrik bost berdinketa egin ditu.

2019AN ETXEAN PUNTU GEHIEN ATERA DITUZTEN TALDEAK

1. FC Bartzelonak – 49 puntu*
2. ATHLETIC CLUBEK – 44
3. Atletico Madrilek – 43
4. Real Madrilek – 41**
5. Getafek – 38**
6. Valentziak – 35**

* Bi partiden faltan
** Partida baten faltan