Raul Garciak 200 partida bete ditu Athleticekin

Raul Garciari ez zaio inoiz ahaztuko Athleticen 200 partidak bete zituen eguna, Errege Kopako finalerako txartela eman ziolako. Zenbaki biribila bere bosgarren denboraldian elastiko zuri-gorriarekin lortu du.

Jokalari nafarra 2015-16 denboraldian iritsi zen, eta ordutik taldeko jokalari garrantzitsuenetakoa bilakatu da, zelaian eta aldagelan erreferente izanik. 200 partida horietan 56 golekin lortu du Athletici laguntzea. Laligan 157 partida jokatu ditu, Errege Kopan, 15; eta Europa Leaguen, 28.

Aurtengo denboraldian, Raul Garcia da gol gehien sartu dituen bigarren jokalaria, 8 golekin -denak LaLigan-, eta Iñaki Williamsek bakarrik azaltzen da haren gainetik (9).

Nafarrak, Athleticekin ez ezik, Osasunarekin ere jokatu du LaLigan (han hasi zen bere ibilbidea), bai eta Atletico Madrilekin ere.