Athletic Cluben maskara pertsonalizatuak

Athletic Clubek erabilera anitzeko maskarilla higinikoen bi modelo merkaturatu ditu gaur denda.athletic-club.eus denda digitalean. Lehenengoak 30 garbiketa-ziklorako babes bermatua du, eta bi diseinu desberdin ditu: bata marra zuri-gorriekin eta klubaren armarriarekin, eta bestea, lehoiaren ikur zuria atzealde gorriaren gainean. Maskara hori poliesterrean eginda dago %55ean eta lyozelean %45ean. Ez du iragazkirik behar, eta bakterio-iragazketari aurre egiten dio. Prezioa 9,95 eurokoa da eta bi neurritan dago eskuragai (heldua eta haurra).

Bigarren modeloa (Atletico Madrilen aurkako partidan lehen taldeko futbolariek San Mamesen erakutsi dutena) kotoi %100 ekologikoaz egina dago eta 40 aldiz garbitu daiteke. Kolore beltzez eta zuriz estanpatutako lehoiaren sinboloarekin, helduen eta juniorren neurriak ditu. 14,95 euroan dago salgai.

Bi maskarillek UNE0065/2020 araua betetzen dute. Arau horrek higiene-maskara berrerabilgarrien erabilera arautzen du, eta aipatutako 30 edo 40 garbiketako (motaren arabera) babesa bermatzen du, 60 gradutan. Garbiketa ziklo bakoitzaren ondoren gabrikatzaileak gomendatutako gehieneko erabilera 8 ordukoa da.

Hiru diseinuak astelehenetik aurrera egongo dira eskuragarri Athletic Clubeko bost denda ofizialetan: San Mames, Mazarredo, Rekalde, Bidebarrieta eta Max Center.