Aurrekari onak Betisen aurka San Mamesen
Lehen taldea

Aurrekari onak Betisen aurka San Mamesen

Athletic Clubek eta Real Betis Balompiek LaLigako 30. jardunaldia jokatuko dute Katedralean larunbatean 17.00etan

Aurrekari onak Betisen aurka San Mamesen
Aurrekari onak Betisen aurka San Mamesen
2020ko eka. 19a

Konfinamenduaren ostean bi partida jokatu eta gero, Athletic Clubek eta Betis Balompiek elkarren aurka jokatuko dute bihar (larunbata, 17.00etan) San Mamesen, Ligako 30. jardunaldian.

Sevillako taldeak Ligan Bilbora egin dituen azken bost bisitetan bost garaipen lortu ditu gure klubak: 1-0 2018/19 denboraldian, 2-0 2017/18an, 2-1 2016/17an, 3-1 2015/16an eta 2-1 2013/14an. 2014/15 denboraldian Betis Bigarren Mailan egon zen. Bisitarien azken garaipena aurkitzeko 2012/13 denboraldiko lehen jardunaldira jo behar da.

Atzo gure webgunean gogoratu genuen bezala, horrelakoa izan zen San Mamesen azken Athletic-Betis partida.

Bitxikeria gisa, Aritz Adurizek lekukoa utzi dio Joaquin Sanchez Real Betis Balompieko jokalariari, LaLigako beteranoena baita; biek adiskidetasun harreman estua dute Valentzia CF taldean jokatu ostean.