Denboraldi-aurreko lehen astea amaituta

Lehen taldeak larunbatean amaitu zuen Lezamako lehen entrenamendu astea. Angel Villacampak zuzentzen dituen taldeek aste gogorra itxi dute, eta klubeko instalazioetan aritu dira, bakarrik eta ateak itxita. Lan-saioak joan den astelehenean, uztailak 20, hasi ziren, proba medikoak egin ondoren. Lehoiek bederatzi saio egin dituzte 4. zelaiko berdegunean (hiru saio bikoitz) eta egunero indar lanak egiten hasi dira gimnasioan. Ohar positiboetako bat da denboraldi-aurreko mina eta gogortasuna gorabehera, jokalari bakar bat ere ez dela erizaindegitik igaro, eta oraindik ere beste jokalari batzuk sendatzen ari direla, bilakaera oso positiboa izaten ari baitira.

Villacampak filialeko jokalari batzuk deitu ditu entrenamenduekin bat egiteko; Nerea Nevado, Naroa Uriarte, Mariana Cerro eta Leyre Monente, esaterako, iaz Boltañan jokatu zuten stagean entrenatzailearen aginduetara egon ziren. Bibiane Schulze, Paula Arana, Clara Pinedo, Alejandra Estefania eta Ane Elexpuru osatuko dute lehen denboraldi-aurrea.

Goizetan indarra eta erresistentzia lantzen aritu dira; arratsaldetan, berriz, taldeak gehiago landu du tekniko-taktikoa, eta entrenatzaile zuri-gorriak pixkanaka zehaztu ditu joko-sistemak, laster lagunarteko partidatan islatu ahal izango dituenak.

Taldeak atseden hartuko du gaur, igandean eta bihar, astelehenean, IMQ Zorrozaurren esfortzu probak egingo dituzte. Egun horretan bertan hasiko da lanean Iraia Iturregiren Reto Iberdrola taldea Lezaman.