Iñigo Vicente, debutatu duen azken lehoia

Iñigo Vicente Derion jaio zen 1998ko urtarrilaren 1ean eta atzo debuta egin zuen Athletic Clubekin Cadizen aurka San Mamesen. 61. minutuan zelairatu zen, Iñaki Williamsen ordez. Denboraldi-aurreko ia partida guztiak jokatu ondoren, Katedralean estreinatzeko aukera iritsi zitzaion atzo.

Vicente Athleticen historian debuta egin duen 624. lehoia da, eta Gaizka Garitanorek debutarazi duen zazpigarrena: bere aurretik izan dira Jon Morcillo (Granadaren aurkako lehen jardunaldian egin zuen), Kenan Kodro, Oihan Sancet, Gaizka Larrazabal, Jokin Ezkieta eta Unai Vencedorren.

Talde zuri-gorriko beheko maila guztietatik pasa da deriotarra: kimuak, infantilak, kadeteak, jubenilak, CD Basconia eta Bilbao Athletic. 2017-18an eta 2018-19an, hamarna bat gol sartu zituen denboraldiko Bilbao Athleticen, 66 partidatan, eta horrek lehen taldearekin bi lagunarteko jokatzera eraman zuen, SD Amorebieta eta Barakaldoren aurka.

Iaz, Gaizka Garitanoren eskutik 5 lagunarteko jokatu ostean, Mirandesera joan zen utzita minutu gehiagoren bila, eta denboraldi honetan lehen taldean lekua hartzeko gogoz itzuli zen.