De Marcos 400 partida ofizialetara heldu da
De Marcos 400 partida ofizialetara heldu da
Athleticekin neurketa kopuru borobil hori lortu duen 19. lehoia bihurtu da jokalari arabarra
Oscar de Marcos Athleticekin jokatutako 400 partida ofizialetara iritsi da Alfonso Perez Coliseumean Getafe CF taldearen aurka jokatu ondoren. 31 urterekin, Guardiako jokalariak kamiseta zuri-gorriarekin 400 partida ofizial edo gehiago jokatu duten 19-en zerrenda berezian sartu da.
De Marcos UEFA Europa Leagueko kanporaketako itzulian estreinatu zen lehoi gisa, Young Boysen aurkako hasierako hamaikakoan, 2009ko abuztuaren 6an, Bernako Suisse Wankdorf estadioan. Athleticek 1 eta 2 irabazi zuen partida hura eta taldekako faserako sailkapena lortu zuen.
Hamabi denboraldi geroago, jokalari arabarrak 400 partida ofizial jokatu ditu lehoi gisa, eta Muniainekin batera (432 partida), erregistro hori duten jardunean dauden bi jokalarietako bat da. Denbora honetan zehar, 32 gol sartu ditu ligan, Kopan, Europa ligan eta Superkopan.
Athletic Clubeko elastikoa jantzita De Marcosek jokatutako partida ofizialen banaketa, lehiaketen arabera:
- 299 LaLigan
- 57 Europa Leaguen
- 8 Champions Leaguen
- 33 Kopan
- 3 Superkopan
Athleticekin 400 partida ofizial edo gehiago jokatu dituzten 19 futbolarien zerrenda:
- José Ángel Iribar: 614
- Txetxu Rojo: 541
- Joseba Etxeberria: 514
- Andoni Iraola: 510
- Markel Susaeta: 507
- Agustín ‘Piru’ Gainza: 494
- José María Orue: 481
- Aitor Larrazabal: 445
- Nicanor Sagarduy ‘Canito’: 437
- *Iker Muniain: 432
- Julen Guerrero: 430
- Estanislao Argote: 427
- Ismael Urzaiz: 419
- José Luis Panizo: 413
- Carmelo Cedrún: 402
- Daniel Ruiz-Bazán: 402
- Josu Urrutia: 401
- Aritz Aduriz: 407
- *Óscar de Marcos: 400
* (Oraindik jardunean)