“Madrilen irabazteko kapazak gara”
“Madrilen irabazteko kapazak gara”
Garitanok nabarmendu du taldeak “hobera” egin duela etxetik kanpo, eta Real Madril bezalako talde baten aurka jokatzeko “motibazio berezia” dutela: “Beste batzuetan ere irabazi izan dugu han”
Gaizka Garitanok agerraldia egin du Lezamako prentsa aretoan, Real Madrilen aurka bihar Valdebebasen jokatu aurreti (22:00etan). Zuri-gorriak aurkariaren sasoi ona nabarmendu du: “Ziurrenik denboraldiko unerik onenean daude, eta hori aparteko motibazioa da guretzat: hain une onean hain aurkari onari aurre egitea. Gogo handia dugu eta gure aukeretan konfiantza dugu”.
Derioko entrenatzaileak taldeak etxetik kanpo izan duen “hobekuntza” azpimarratu du: “Getafen eta Valentzian bi partida on egitetik gatoz. Bietan irabaztetik gertu egon gara eta Valdebebasen dinamika horri jarraipena eman nahi diogu. Beste batzuetan ere egin izan dugu Madrilen. Badakigu aukerak izango ditugula eta ondo aprobetxatzen saiatuko gara. Gai gara Real Madrili irabazteko”.
Hurrengo egunetan Athleticek izango duen egutegi estuaz galdetuta, Garitanok honakoa esan du: “Hurrengoari ez diogu hainbeste begiratzen, baina bai aurrekoari. Jokalari batzuk minduta eta nekatuta daude Biharkoa amaitzen denean, hurrengoan pentsatuko dugu. Partida guztietan irabazteko aukera duzu, inoiz ez dakizu non dauden puntuak. Bihar denarekin goaz Madrilera”.