Bi derbi urtea hasteko

Primera Iberdrola Gabonetako etenaldiaren ostean itzuliko da eta lehoientzako bi derbirekin dator. Asteazken honetan, Errege Egunean, Zubietan, emakumezkoen lehen taldea lanera itzuliko da berriro. Gabonetako etenaldiaren ostean, asteko lehen derbia heldu da, 14. jardunaldian: Realaren aurkako norgehiagoka. Lau egun geroago, igandean Lezaman, SD Eibarren bisita izango dute zuri-gorriek.

Aste zaila izango da, bost eguneko tarte estu batean jokatuko diren bi norgehiagoken ondorioz. Derbiak beti dira bereziak eta lehoiek badakite Zubietan irabaztea izango litzatekeela urtea hasteko modurik onena, irteera zaila baita talde txuri-urdinaren sasoi bikainagatik. Hori bai, baikortasunerako gonbita egin dute estatistikek, Athletic Clubek Donostian jokatutako 16 partidetatik behin bakarrik galdu baitu: (9 garaipen, 6 berdinketa eta porrot 1). Urrutiegi joan gabe, iaz Anoetan lortutako garaipena errepikatzea izango dute helburu lehoiek.

SD Eibarren aurkako derbia itzuliko da

Behin Zubietan derbia jokatuta, igandean, hilaren 10ean, Lezaman hamabosgarren jardunaldia jokatuko da, Eibarren aurka. Armaginak iaz igo ziren Primera Iberdrolara, Iturregik zuzentzen duen Athleticen filialak ezin izan zuelako igo. 2010-2011 denboraldiaz geroztik, zurigorriek gipuzkoarrak jipoitu zituzten etxean eta Unben irabazi zuten. Eibarko taldea oso lehiakorra izaten ari da gorenera itzultzen, eta 14 punturekin berdinduta dago Athleticekin sailkapenean, postu bakarra atzetik duela (hamaikagarren postuan).

Villacampa eta bere taldea intentsitate handiz entrenatzen ari dira garaipenarekin berriz elkartzeko irrikaz.