SD Eibarren aurkako deialdia
SD Eibarren aurkako deialdia
Lehoiak, Iraia Iturregi taldeko entrenatzailea izanda jada, urteko lehen garaipena lortzen saiatuko dira Lezaman duela hamarkada batetik jokatzen ez zen derbian
Primera Iberdrolako hamabosgarren jardunaldian jokatu ahal izango den partidetako bat (bost eguraldi txarragatik eta bi Covid-gatik bertan behera utzita) bihar Lezaman 12:00etatik aurrera jokatuko dena izango da. Hamarkada bat partida ofizialean elkar ikusi gabe egon ondoren, SD Eibarren aurkako derbia itzuliko da. Armaginek Primera Iberdrolara igotzea lortu zuten pasa den urtean eta lehen itzuli ona egiten ari dira. Hamargarren postuan daude kokatuta, lehoiek baino hiru puntu gehiagorekin (gure neskek hamalau dituzte).
Iraia Iturregik zuzenduko duen lehen partida ikuslerik gabeko derbia izango da. Iraiak bi egun baino ez ditu izan neurketa prestatzeko, baina atzo egin zuen aurkezpenean azaldu zuenez, taldeak azarotik daraman dinamika negatiboa aldatzea espero du.
Deialdia, jokatzeko moduan dauden guztiekin
Iraia Iturregik, bere lehen deialdian, jokatzeko prest dauden jokalari guztiak deitu ditu biharko neurketarako. Nekane, gainkarga bat ezker soleoan dela eta ez da deialdian sartu. Horrela, 20 jokalari hauek osatzen dute zerrenda: Andrea de la Nava, Amaia Peña, Andere Leguina, Andrea Sierra, Ainhoa Moraza, Garazi Murua, Naroa Uriarte, Oihane Valdezate, Maria Diaz, Yulema Corres, Jone Ibañez, Marta Unzue, Oihane Hernandez, Eunate Arraiza, Sophie Istillart, Lucia Garcia, Marta Perea, Vanesa Gimbert, Leyre Monente eta Nerea Nevado.