Marcelino: “Ligan bakarrik pentsatu behar dugu”
Marcelino: “Ligan bakarrik pentsatu behar dugu”
Superkopa irabazi eta Kopako final-hamaseirenetan sailkapena lortu ostean, entrenatzaile zuri-gorriak “pausoz pauso” joan nahi du, “Getaferen aurkako partidatik haratago” begiratu gabe.
Marcelino Garcia Toralek telematikoki erantzun zien Lezamako prentsa aretotik komunikabideek egindako galderei bihar Getaferen aurka jokatu baino lehen, Ligako 20. jardunaldiko partidan, lehoientzako bigarren itzulia irekiko duena.
Athleticeko entrenatzaileak ez du distrakziorik nahi Bartzelonaren aurkako Superkopa irabazi eta Ibizaren aurkako Errege Kopako 1/16ko partidan aurrera egin ostean: “Orain Ligan bakarrik pentsatu behar dugu. Sailkapenean psotuak igo nahi ditugu, gure ahalmenarekin bat ez datorren egoera batean gaudelako. Partidak irabazi behar ditugu lehiaketa honetan, garaipen hau behar dugu. Badakigu irabazteko dugun beharraz. Hirunaka batu behar dugu. Getaferengan pentsatu eta partida hau irabazi, pausoz pauso”.
Aurkariari buruz galdetuta, prestatzaileak partidaren zailtasuna azpimarratu du: “Oso leku gutzi uzten duen taldea da eta, jokatzeko duen moduagatik, jokoa sortzera behartzen zaitu. Presio handia erabiltzen du, eta defentsa nahiko aurreratutarekin jokatzaen saiatzen da. Galtzen duen edozein aurkariari, jokoan erabaki azkarrak hartzera behartzen du. Getafek nortasun argia du eta badakigu zeri aurre egingo diogun. Oso ondo defendatu behar dugu”.
“Presio handia” egiten duen aurkari baten aurrean joko estiloak izan ditzakeen aldaketen inguruan, Marcelinok esan du bere estiloari eutsiko diotela: “Guk aldaketa txikiak erabiliko ditugu jokoari eta kontzeptuari dagokienez, baina ez gara astero aldatzen joango. Indartsuak garen tokietan, are indartsuagoak izan behar dugu, eta ez hain indartsuak garen tokietan, hobetzen saiatu behar dugu”.