Villalibre: “Sufritzen jakin dugu”
Villalibre: “Sufritzen jakin dugu”
Aurrelariak berdinketaren gola egin du gaur, eta “jokalari guztiek” El Collaon partidari buelta emateko egin duten lan handiari balioa eman dio
Asier Villalibre komunikabideen aurrean agertu da Athleticek CD Alcoyanoren aurka 1 eta 2 irabazi ostean. Bufaloa, berdinketaren golaren egilea, pozik agertu da taldekako eta banakako errendimenduarekin: “Alcoyano irabazten hasi da eta ez da erraza izan, baina partidari buelta ematen jakin dugu. Hori da garrantzitsuena. Partida oso ona izan da. Aurkaria oso indartsu zegoen fisikoki, baina hasierako jokalariak eta aldaketak ondo egon direla uste dut. Oso pozik nago nire golak taldeari laguntzeko balio izan duelako”.
Gaurko garaipenak Errege Kopako final-laurdenetan egoteko aukera ema die lehoiei. Lehiaketa “zaila” une askotan: “Kopako partidak zailak dira, edozein aurkariri irabaz diezaiokezu edo edozein irabaz diezazuke. Errespetu handiz etorri gara. Partida bakarrera oso zaila da eta sufritzen jakin dugu. Athleticen egiten dakigun zerbait da eta gaur erakutsi dugu”.
Hurrengo kanporaketako aurkariari dagokionez, ’20’-ak aitortu du ez diola axola aurkaria, baina Katedralean jokatzea taldeari “zertxobait gehiago” ematen diola esan du: “Berdin zaigu zein talde tokatzen zaigun, edozeinen aurka irabaziko dugu. Hobe da etxean jokatzea, oso ondo ezagutzen dugu”.