undefined

De Marcos: “Nire kirol-ibilbidea hemen bukatu nahi dut”

De Marcos: “Nire kirol-ibilbidea hemen bukatu nahi dut”

Pozik agertu zen kontratua berritu izanaz, eta prozesu hori “oso azkar” joan dela esan du “kluba eta biok hasietatik ados” zeudelako

Gaur goizean, 2022ra arte kontratua berritu ostean, Oscar de Marcosek telematikoki erantzun zien hedabideek egindako galderei, Kopako final-laurdenetako kanporaketan Benito Villamarinen Real Betisen aurka jokatzeko bi egun falta zirenean.

 

Jokalari arabarra pozik agertu da klubarekiko harremana beste urtebetez luzatu duelako: “Azken asteetan askoz hobeto nago. Kontratua oso azkar sinatu dugu, kluba eta ni ados geundelako hasieratik”. Era berean, Bere ibilbidea Bilbon amaitzeko nahia onartu zuen: “Hemen nire kirol-ibilbidea amaitzea nahiko nuke. Egia da inoiz ezin dela esan, hemen bukatzeko gogoa izan behar baituzu eta klubak amaitzea komeni dela uste behar du”.

 

De Marcosek onartu du bidea ez dela erraza izan: “Une batzuetan zalantzak izan ditut. 2020an zehar, ia osorik, zalantzak nituen nire azken urtea izango ote zen, min handia nuen eta ez dut futbola luzatu nahi, gozatzen ez badut. Orain ondo nago eta egunerokotasunaz gozatzen ari naiz, galdua nuen zerbait “.

 

Ostegunean Betisen aurka jokatuko duten kanporaketari dagokionez, “bai ala bai irabazi beharreko partida” dela adierazi du. “Kopa hau zaila da edozein neurketan. Norgehiagoka aurrera ateratzen saiatu behar dugu, kontzentrazioa oso garrantzitsua izango da. Gure planarekin jarraitzen badugu, sailkapenarekin etor gaitezke”.