“Sentsazioen hobekuntzarekin iritsiko da garaipena”
“Sentsazioen hobekuntzarekin iritsiko da garaipena”
Entrenatzaile zuri-gorriak entrenamenduen maila ona izan dela azpimarratu du, nahiz eta taldearen erdia prebentzio-aldian egon astelehenera arte
Iraia Iturregik agerraldia egin du gaur goizean Lezaman, bihar Athletic Clubek eta RCD Espanyolek Primera Iberdrolako hemeretzigarren jardunaldian jokatuko duten partidaren bezperan. Entrenatzaileak filialeko lau jokalari eramango ditu, COVID-19agatik positibo eman ostean, taldearen erdia 10 egunez geldirik egon behar izan duen talde bat indartzeko. Hala ere, Iturregi pozik dago egindako lanarekin.
“Lau entrenamendu izan ditugu talde osoarekin lan egin ahal izateko. Ez da erraza, ezta atsegina ere, jokalariak etxean egon behar izatea irten ezinik, ahalik eta ondoen eraman dugu. Argi dago berez denboraldi desberdina izaten ari dela. Bidean sortzen diren egoera eta oztopoetara egokitzen joan behar dugu “
Aurkariari dagokionez, Iturregik badaki RCD Espanyolek puntuak lortu dituztela azken asteetan eta moralez gainezka etorriko direla. “Konfiantza osoz etorriko dira Lezamara. Partidaren kontrola izaten eta jokoaren momentu ezberdinetan min egiten saiatuko gara “. Gainera, talde indartsua dela joko zuzenean adierazi du Loiutarrak, arriskutsua geldikako jokaldietan eta trantsizio azkarretan.
“Goi mailako talde batean lehentasuna irabaztea da. Txipa aldatu egiten da filialean edo lehen taldean zaudenean. Ez da gauza bera partida bat sentsazio txarrekin galtzea edo berdintzea. Badakit zaila dela. Taldea ondo ari da entrenatzen, aukerak izaten ari da, gehiago iristen ari gara aurkariaren atera eta ez da garaipenik lortzen. Baina hori da jarraitu beharreko bidea. Ez naiz soilik sentsazioez ari, datu estatistikoek ere sentsazio horiek indartzen dituzte. Garaipena da garrantzitsuena, noski, baina nik uste dut garaipena hobekuntza horrekin iritsiko dela “, esan du Iraiak.
Deialdia filialeko lau jokalarirekin
Iturregik ezin izango ditu Moraza, Jone Ibañez, Erika Vazquez eta Ane Azkona zelairatu. Biharko partidarako 20 jokalari izango ditu: Andrea de la Nava, Andere Leguina, Andrea Sierra, Garazi Murua, Naroa Uriarte, Oihane Valdezate, Nekane Díez, María Díaz, Yulema Corres, Marta Unzué, Oihane Hernández, Eunate Arraiza, Sophie Istillart, Lucía García, Marta Perea, Vanesa Gimbert, Leyre Monente, Nerea Nevado, Irene Oguiza eta Paula Arana.