Indarrak hartzeko etenaldia
Indarrak hartzeko etenaldia
Iturregiren lehoiak lehiatu gabe egongo dira bi astez eta Primera Iberdrolaren erritmoa berreskuratuko dute otsaileko azken asteburuan Real Betisen aurka Sevillan
Primera Iberdrolaren egutegiak, hasiera batean, hiru asteko geldialdia ezarri zuen otsailean. Horrela, asteazkenean Madrid CFFren aurka galdu zuen emakumezkoen lehen taldeak ez zuen Ligako partidarik izango martxoaren 7ra arte. Azkenik, eta partidak atzeratuta daudenez, geldialdia laburragoa izango da Iraia Iturregiren taldearentzat; izan ere, otsailaren 27an, larunbatean, Sevillan, atzeratutako 19. jardunaldia jokatuko dute. Beraz, lehiaketarik gabeko bi aste izango dira indarrak hartzeko eta bigarren itzuli on bat egiteko asmoekin.
Real Betis eta FC Bartzelonaren aurka jokatutako bi norgehiagokez gain, oraindik 14 jardunaldi geratzen dira aurretik. Ekainaren amaierara arte ez dira jakingo Reto Iberdrolara jaitsiko diren lau taldeak eta Women ‘s Champions Leagueko hiru sailkatuak. Athletic Clubek 18 puntu ditu eta hamaikagarren postuan dago, erregularra izan behar du.
Hurrengo aurkariak, zuzenak
Horretarako, Rayo Vallecano (Madrilen), Sporting Huelva (Lezaman) eta Valentzia (Lezaman) bezalako taldeen aurkako egutegia izango du martxoan. Martxoa iritsi baino lehen, Felipe del Vallen jokatuko dute Betisen aurka otsailaren 27an. Garrantzi handiko lau partida izango dituzte lehoiek gaur hasten den bi asteko geldialdia amaitu ostean. Denboraldiko fase nahitaezko honetan, Erika Vazquez eta Ane Azkona jokatzeko moduan izango dira.
Bestalde, Lucia Garciak ez du atsedenaldirik izango. Espainiako selekzioak otsailaren 15etik 24ra deitu du 2022ko Ingalaterrako Eurokopara sailkatzeko bi partida jokatzeko.