“Bihar, baloi guztiak lehiatzea izango da egokiena”

Athletic Clubeko entrenatzaileak Athletic Club – SD Eibar derbia baino lehen hedabideek Lezamako prentsa aretoan egin zizkioten galderei erantzun zien.

Lehoiek San Mamesen jokatuko dute, sailkapeneko 19. postuan dagoen talde armaginaren aurka, azken hamar partidetan irabazi gabe iritsiko dena Katedralera: “Hamar jardunaldi badaramatza irabazi gabe, garaipenetik gertuago dago, hala pentsatzen dut nik. Uste dut futbola ez dela bidezkoa izaten ari Eibarrekin. Oso azkar jokatzen duen taldea da, eta kontzentratuta egotera eta lehiak irabaztera behartzen zaitu. Oso ondo jokatzen du kontrako zelaian eta joko zuzena erabiltzen du, baina aurten jasaten ari den arazoa da ez duela aurreko denboraldietan izan duen gol erraztasuna”.

Marcelino iritsi zenetik, Athleticek Ligako hogeita hamar puntuetatik hamahiru eskuratu ditu, eta talde zurigorriak hobetzea espero du: “Lehen sentsazioa puntu gehiago lortu behar genituela da. Oro har, jokoagatik, merezimendua lortutako puntu kopurua baino zabalagoa izan da. Ez da nahi genuena, puntu kopuru handiagoa lortu nahi dugu”.

Jokalariek Realaren aurkako Errege Kopako finalean pentsatzeko aukeraren inguruan galdetuta, Marcelinok argi dauka nola jokatu behar duten: “Lehiaketa honi (LaLiga) eta Eibarri zor zaien errespetuagatik, berme osoz egin behar diogu aurre biharko partidari, hiru puntu lortzeko aukera ematen digulako eta bigarrenez jarraian golik ez jasotzeko aukera ematen digulako. Baloi bakoitza lehiatzea da egokiena. “Akats bat egingo genuke biharko partidan zerbait gordeko bagenu, errekuperatzeko denbora dugulako. Intentsitate gutxiago izateak ez du esan nahi min hartuko ez duzunik. Ondoren, denbora eta entrenamendu asko izango ditugu final horri aurre egiteko”.