Josean Lekue: “Lana izan dugu uda honetan”

Josean Lekue Athletic Clubeko zerbitzu medikoen buruak hedabideen galderei erantzun die denboraldia hasi aurretik egindako ohiko prentsaurrekoan. Oporraldiaren ondoren, jokalariek proba medikoak pasa dituzte aste honetan IMQn, eta Marcelinoren aginduetara entrenatu dira, denboraldi-aurrea lan espezifikoarekin hasi duten zenbait jokalari izan ezik.

“Udan zehar izan dugun lesionatuen kopurua ohi baino handixeagoa izan da, beraz lanpetuta egon gara. Aurreikus zitekeen, izan ere, bost kirurgia berri ditugu eta errehabilitazioa behar dute. Gainerako langileen dinamika normala izan da”, azaldu du Lekuek. Athleticeko zerbitzu medikoen buruak baieztatu duenez, Iñaki Williamsek, denboraldi-aurreko hasiera honetan mina zuen jokalarietako batek, alta jaso du eta prest dago Marcelinoren aginduetara lan egiteko.

Gainerako jokalariei dagokienez, Lekuek esan du ezarritako epeen arabera osatzen ari direla guztiak, Peru Nolaskoain izan ezik, “oraindik ezin da datei buruz hitz egin, prozesu zaila izaten ari baita bere orkatilarekin”.

Yuri Berchicheren kasuan, Lekuek gogorarazi du pubalgia bat daramala, baina “ez da % 100ean osatu, nahiz eta denboraldi amaieran baino askoz hobeto dagoen”. Futbol munduan oso ondo ezagutzen dugun lesioa da, aldaera asko ditu. Orain arte, ez dugu Yurin adierazle kirurgikorik aurkitu, baina beste azterketa bat egingo dugu tratamendua egokitzeko”.