Athletic eta Joko Olinpikoak
Athletic eta Joko Olinpikoak
Unai Simon Joko Olinpikoak jokatuko dituen Athleticeko 24. lehoia da
Gaur, uztailak 22, Tokioko Olinpiar Jokoak hasi dira. Unai Simon, Athletic Clubeko atezaina, Espainiako selekzioak deitu du eta diziplina anitzeko nazioarteko kirol ekitaldirik handienean debuta egin duen 24. lehoia da.
Espainiako futbol selekzioak 1920an Anberesen lehen Jokoak jokatu zituenetik, Athleticeko jokalariak hamar ekitaldi olinpikotan izan dira, aipatutako edizio belgikarra eta 1924an Parisen egin zena orain arteko zuri-gorrienak izan direlarik, bakoitzean bost lehoiekin.
Amberesen Félix Sesúmagak, Rafael Morenok (Pichichi), Domingo Gómez-Acedok, José María Belaustek eta Sabino Bilbaok zilarrezko domina lortu zuten; Parisen, berriz, Carmelo Goyenechea, Marcelino Agirrezabala (Chirri I), Jesús Larraza, Domingo Gómez-Acedo eta José María Belauste txapelketatik kanpo geratu ziren lehen kanporaketan, Italiaren aurka 1-0 galdu eta gero.
Lau urte geroago, Amsterdameko 1928ko Jokoetan, Athleticek ordezkari bakarra izan zuen: José Legarreta. Larrabetzuko erdilariak final-zortzirenetako joaneko partida jokatu zuen, baina kanporatua izan zen Italiaren aurka 7-1 galdu ondoren berdinekta hausteko partidan.
Zuri-gorrien hurrengo ordezkaritza Mexiko 1968an izan zen. Joko hauetan José María igartuak, deitutako lehoi bakarrak, multzoen faseko hirugarren partida jokatu zuen Japoniaren aurka.
Hamabi urte geroago, Moskun 1980an, harrobiko jokalaria zen Santiago Urkiaga eta Miguel de Andresek jarri zuten zuri-gorrien kolorea Jose Emilio Santamariaren deialdian, baina ez zuten multzoen fasea gainditu.
1992an, Bartzelonan, David Billabona Olinpiar Jokoetan urrezko domina bat irabazi zuen lehen lehoia izan zen. Erdilari zuri-gorriak aldagelak partekatu zituen, besteak beste, Guardiolarekin eta Luis Enriquerekin.
Lau urte geroago, Atlantako 1996ko Jokoetan, Javier Clemente entrenatzaile zuri-gorri ohiak eta Olinpiar Jokoetako hautatzaileak, Aitor Karanka, Sergio Corino eta Jorge Aizkorreta lehoiak ditu zituen. Zanetti, Simeone eta Gustavo Lópezen Argentinaren aurka (4-0) galdu zuten final-laurdenetan.
2000. urteko Olinpiar Jokoetan, konbinatuaren agintean zegoen Iñaki Saez lehoi ohiak, Dani Aranzubia eta Jesús Mari Lacruz deitu zituen. Lehoiek zilarrezko domina lortu zuten Kamerunen aurka penaltietan finala galdu ondoren.
12 urte geroago, 2012ko Londreseko Jokoetan, Athleticeko hiru jokalari sartu ziren deialdian: Iker Munian, Ander Herrera eta Javi Martínez. Luis Millak entrenatutako taldeak ez zuen multzoen fasea gainditu, hiru partidatan ez zuen gol bakar bat sartu.
Aurten, Tokio 2020an, Unai Simon izango da Athleticen historiako hirugarren atezaina Joko Olinpiko batzuk jokatzen dituena, Aizkorreta eta Aranzubiaren atzetik.
Olinpiar Jokoak jokatu dituzten Athleticeko jokalarien zerrenda osoa:
- 1920 (Amberes): Felix Sesumago, Pichichi, Domingo Gomez-Acedo, Jose Maria Belauste, Sabino Bilbao
- 1924 (Paris): Carmelo Goyenechea, Marcelino Agirrezabala (Chirri I), Jesus Larraza, Domingo Gomez-Acedo, Jose Maria Belauste
- 1928 (Amsterdam): José Domingo Legarreta
- 1968 (Mexiko): José María Igartua
- 1980 (Mosku): Santiago Urkiaga, Miguel de Andrés
- 1992 (Bartzelona): David Billabona
- 1996 (Atlanta): Aitor Karanka, Sergio Corino, Jorge Aizkorreta
- 2000 (Sidney): Dani Aranzubia, Jesús Mari Lacruz
- 2012 (Londres): Iker Muniain, Javi Martínez, Ander Herrera
- 2020 (Tokio): Unai Simón