Peke zuri-gorriz jantzi da jada
Arrigorriagako aurrelaria, Iturregiren taldearen azken fitxaketa, denboraldi-aurreko lehen egunean aurkeztu da
Ainize Barea Athletic Clubeko jokalariak, IMQ Zorrotzaurren proba medikoak egin ondoren, Lezaman entrenatuko da gaur bere taldekide berriekin batera. 29 urteko aurrelariak jokalari zuri-gorriak ezagutzen ditu Euskal Selezkioaren hainbat deialditan egon delako, eta Athletic Clubera iritsi da erasoan golak sartzen laguntzeko eta jokoan sakontasuna emateko.
RC Deportivo Abanca taldean lau denboraldi jokatu ostean, horietako bi Primera Iberdrolan, Arrigorriagakoa da Athleticen hirugarren fitxaketa bihurtu da. Mariasun Quiñones atezainak 2023ra arte eta Itxaso Uriarte erdilariak 2024ra arte sinatu dute, hurrenez hurren. Pekeren fitxaketarekin, 2025era arte zuri-gorria izango dena, erasoko eremua hobetuko da, zalantzarik gabe Estatuko futbolaren elitean denboraldi gogorra izango denari konfiantza gehiagorekin aurre egiteko.