Ohorezko sakea Gaztedi Sokatira Taldearen eskutik
Ohorezko sakea Gaztedi Sokatira Taldearen eskutik
Laukizko klubak, urrezko bi domina eta brontzezko bat Munduko Txapelketan lortu zituena, Athletic Cluben omenaldia jasoko du larunbat honetan
Athletic Clubek Gaztedi Sokatira Taldea omendu nahi du larunbat honetan, eta hori dela medio, laukiztarrek ohorezko sakea egingo dute larunbat honetan Villarreal CFren aurkako partidaren atarikoetan.
Tiratzaileen elkarte bizkaitarrak balentria handia lortu zuen Getxon sokatirako Munduko Txapelketan joan den irailean, emakumezkoen 500 kiloko proban eta gizonezkoen 560 kiloko proban txapeldun geratu ondoren. Azken modalitate honetan brontzezkoa ere lortu zuen.
Gaztedi kluba Laukizen sortu zen 1961ean, eta sokatira bizkaitarra Euskal Herrian tradizio handia duen kirol honen maila gorenetara igo du.