Iribar: “Euskararen partida oraindik jokatzen ari da”
Iribar: “Euskararen partida oraindik jokatzen ari da”
Jaialdiak “Futbola eta euskara” dokumentala emango du, eta legenda zuri-gorriak Ainhoa Tirapu, Jon Maia eta Patxi Gaztelumendirekin hitz egin du, Thinking, Letrak eta Futbola jardunaldiaren hirugarren egunean
Jose Anjel Iribar, Txopo mitikoa, Athletic Club Fundazioak antolatutako Thinking, Letrak eta Futbola jaialdiaren hirugarren eguneko protagonista izan da. Eszenatokian Ainhoa Tirapu atezain mitikoak eta Jon Maia bertsolariak lagunduta, Iribarrek “Futbola eta euskara” dokumentalaren jatorria ekarri du gogora. Txopok bere leihatilaren omenaldia euskararen sustapenari eskaini zion 1980ko maiatzaren 30ean Athletic Cluben eta Realaren artean ospatutako partidan. Besteak beste, Iribarren ekarpenari esker, ‘Mendia eta euskara’, ‘Arrauna eta euskara’ eta ‘Futbola eta euskara’ Antxon Ezeiza zinema zuzendariaren film laburrak eman ziren ezagutzera. Berrogei urtetik gora beranduago, jaialdiak euskal filmotekaren harribitxi historiko hau bota du.
Bere omenezko egun hartan, Iribarrek San Mameseko zelai erdira salto egin zuen eta, mikrofonoa eskuan, honakoa esan zuen: “Eskerrak danori, eta konturatu gaitezen, gaur, euskerak irabazi duela partidua”. Gaur, Patxi Gaztelumendik une hari buruz galdetu dionean, Iribarrek aitortu du oraindik ere euskararen partida jokatzen ari dela, euskara gizarteko esparru guztietara iristeko egin behar den guztia aipatuz. Ildo beretik jo du Jon Maiak ere, eta azpimarratu du, zalantzarik gabe, asko aurreratu dugula azken 40 urteotan, asko, baina oraindik asko dagoela egiteko. Bestalde, Ainhoa Tirapuk adierazi du sare sozialekin komunikatzeko nolabaiteko ausardia galdu dela, huts egiteko edo hutsegiteren bat egiteko beldurrez. Zentzu horretan, futbolariak babestuta sentitu behar direla adierazi du, bestela euskarak ez baitu sare sozialetan aurrera egingo.
Jon Maiak Iribar eta Tirapu futbolariek euskararen alde egindako lana goraipatu du, euskarak betidanik izan duelako prestigiozko arazoa eta futbolariek jendaurrean euskaraz hitz egitea oso garrantzitsua delako. Euskara menperatzen ez dutenek euskaraz hitz egiteko orduan izan dezaketen beldur horren harira, bertsolari athleticzaleak adierazi du ez dagoela euskara ikasten ari dena baino politagorik, bere akats guztiekin, hizkuntzaren etorkizuna hor dagoelako, esfortzu horretan.
Gaur, “Cartas a Socrates” film laburra eta “Somos el Red Star” dokumentala.
Jaialdiak erdi puntua gainditu du eta laugarren jardunaldia bi dokumental interesgarriri eskainiko die. Lehenik eta behin, Pedro Asbeg zinema zuzendari brasildarraren «Carta a Socrates» film laburra emango da. Jarraian, ‘Somos el Red Star’ dokumental frantsesak Parisko talde historikoaren historia kontatzen du. Hain zuzen ere, Patrice Haddadek, Red Starreko presidenteak, Christian Paureihe eta Monica Regàs zuzendariek lagunduta, filmaren emanaldiaren ondorengo solasaldian parte hartuko du. Jules Rimetek 1897an sortu zuen Red Star, Athletic Cluben aurkari historikoa, eta lotura handia du Frantziako hiriburuko ezkerreko eta langile mugimenduekin.
Gaur ostiralerako eta iganderako Thinkingeko sarrerak agortu dira. Baina oraindik gutxi batzuk geratzen dira larunbateko jardunaldirako! Futbolaren historiako publizitate-iragarki onenak, bi adituek azalduta: Pach eta Santi García. Ez ezazu galdu!