Partida Aurrekoa: Athletic Club vs CA Osasuna (LaLiga 37. J)

Athleticek San Mamesen jokatuko den LaLigako azken partidari ekingo dio gaur arratsaldean. Marcelinoren taldeak Europan sailkatzeko aukerak ditu oraindik eta CA Osasuna hartuko du etxean, azken jardunaldian Getafe CF-ren aurka berdindu zuen taldea. Puntua eskuratu ondoren, zuri-gorrirengandik 5 puntura iritsiko da Katedralera talde gorritxoa. Azken emaitzen ostean, bilbotarrek lau puntura dute Conference Leaguerako txartela ematen duen zazpigarren postua. Lehoiek, Europako aukerak baliatzeko, azken bi partidak irabaztera behartuta egoteaz gain, lehenengoa gaur nafarren aurka, Villarrealek, aurretik duen taldeak, gainerako partidetan bi puntu baino gehiago ez batzea behar dute, Real Sociedad eta FC Barcelonaren aurka.

Deialdia

Marcelinok 21 jokalari deitu ditu gaurko neurketarako. Bajei dagokienez, Sancet min hartuta dagoelarik deialditik kanpo geratu da eta Mikel Vesgak etxean jokatuko den denboraldi honetako azken norgehiagoka galduko du, Granada CF-ren aurkako aste arteko partidan bi txartel hori ikusi ondoren kaleratua izateagatik. Agirrezabalak eta Serranok Bilbao Athletic indartuko dute Primera RFEF-eko partidan.

Marcelino

Errepasatu hemen Athletic eta CA Osasunaren arteko lehiaren aurretik Marcelinok prentsaurrekoan egindako adierazpenak.

Aurkaria

CA Osasuna 1920ko urriaren 24an sortu zen, eta egun horretan bertan jokatu zuen bere historiako lehen futbol partida. LaLiga Santanderreko lau klub profesional bakarretako bat da kirol-elkarte anonimoa dela, Real Madrid, FC Barcelona eta Athletic Clubekin batera. Bada, Athletic Cluben antzera, klubaren jabetza bere bazkideena da. Egungo historian, Champions Leagueko aurreko fase batean eta UEFA-ko lau ediziotan parte hartu du Osasunak, 2006-07 denboraldian txapelketa honetako finalaurrekora iritsi zen.

Arazo ekonomikoak tarteko, 14 urtez Lehen Mailan egon ondoren, 2013-14 denboraldian Bigarren Mailara jaitsi zen eta igoerak eta jaitsierak tartekatu zituen bolada bati ekin zion: 2015-16 denboraldian, maila galdu eta bi urtera, Gironaren aurkako play-offa irabazita, galdutako tokia berreskuratzea lortu zuen. Urtebete iraun zuen maila gorenerako itzulerak, hurrengo denboraldian beste maila-galera bat bizi izan baitzuen, orain arteko azkena. Jagoba Arrasate gorritxoen buru bihurtu zenetik (2018-19), Osasuna LaLiga SmartBankeko txapeldun izan zen eta ordutik Estatuko futbol talde onenekin jarraitzen du.

Osasunak Katedralera iritsi aurretik porrota jaso du Real Madriden aurka; hiru berdinketa erdietsi ditu, RCD Espanyol, Elche CF eta Getafe CF-ren aurka; eta garaipen bakarra eskuratu du, etxetik kanpo, Valencia CF-ren aurka.

Estadistikak

1935-36 denboraldian LaLigan jokatu zuten lehen partidatik, Athleticek eta Osasunak 81 partida jokatu dituzte guztira, eta talde zuri-gorriak balantze positiboa izan du: 40 garaipen, 22 berdinketa eta 19 porrot.

Zuri-gorriek eta gorritxoek elkarren aurka San Mamesen jokatutako partiden estatistikak erreparatuta, Athleticek aldeko balantzea du 22 garaipen, 11 berdinketa eta zazpi porrotekin.

Bi taldeek San Mamesen jokatutako azken bost norgehiagokak aztertzen baditugu, datuak etxeko taldearen aldekoak dira. Lehoiek talde nafarraren azken bost bisitetan bi garaipen, bi berdinketa eta porrot bat erdietsi dituzte.

CA Osasunaren aurkako datu estatistiko guztiak, hemen.

Athleticzaleak munduan zehar

Zauden tokian zaudela, jarraitu gure Athleticen neurketa. Ez ezazu galdu!