Iker Muniain LaLigako Team Of The Season-en sartu da

Iker Muniain gure kapitaina aukeratu dute LaLigak, EA SPORTSekin batera, denboraldi honetan lehen aldiz abian jarri duen Team Of The Season (TOTS) taldean. Sari honek atzelari onenak, erdilari nabarmenenak eta LaLigako aurrelari onenak saritzen ditu. Erdilari nafarra herri bozketaren, jokalarien botoen (Players App) eta adituen batzordearen (izen handiko kazetariek osatua) ondoren hautatu dute.

Iñigo Martinez ere izendatuta zegoen Team Of The Season-eko atzelari onenen artean sartzeko. Saria denboraldi osoan lortutako errendimenduan oinarritzen da eta EA SPORTSek bere Team Of The Week-en astero jokalari onenak saritzeko FIFAn erabiltzen duen ohiko ereduari jarraituz.