Nerea Nevado lagapenetik Athletic Clubera itzuliko da

Nerea Nevado futbolari santurtziarra Athletic Clubeko diziplinara itzuliko da Alavesen utzita egon ondoren. Jokalari ezkertiarrak 21 urte ditu, eta 2018ko irailaren 22an egin zuen debuta Joseba Aguirreren aginduetara, Atletico Madrilen aurkako partida ofizialean. Ordura arte, bigarren taldearekin eta lehen taldearekin aritu da. Iaz, minutu gehiagorekin gozatzeko eta Lehen Mailan esperientzia handitzeko helburuarekin, talde gasteiztarrari lagatzea erabaki zen. Alavesen 26 partidatan parte hartu du (1316 minutu) eta Mikel Crespok zuzentzen duen taldea Primera Iberdrolan urte bat gehiago mantentzeko bidean oso jokalari baliagarria izan da.

Nevado hegalera zein ezker muturreko postura egokitu daitekeen jokalaria da. Bizkerren hezia 2016-17 denboraldian iritsi zen Lezamara bigarren taldean jokatzeko. 2018an 17 urtez azpiko Munduko txapeldun izan zen Espainiako selekzioarekin Uruguain, Naroa Uriarte eta Paula Arana zuri-gorriekin batera. Datorren ikasturtean maila gorenean lehiatzeko aukera izango du, Athletic Clubekin 16 partida jokatu ondoren.