2022/23 denboraldiko ekipazio zuri-gorri berria
Kluba

2022/23 denboraldiko ekipazio zuri-gorri berria

Datorren denboraldirako Athleticen elastiko zuri-gorria eskuragarri dago klubaeko denda ofizialetan

2022/23 denboraldiko ekipazio zuri-gorri berria
2022/23 denboraldiko ekipazio zuri-gorri berria
2022ko mai. 31a

Athletic Clubek eta New Balancek 2022/23 denboraldirako lehen ekipazio zuri-gorria ezagutzera eman dute eta dagoeneko eskuragarri dago Klubaren denda fisikoetan eta online dendan erosteko.

Tradizioaren edertasunean inspiratutako diseinua da, Athletic mundu osoan identifikatzen duten marra zuri-gorri ospetsuekin, lepo altu klasikoarekin eta mahuka beltzekin. Kamisetak New Balanceren xehetasun esklusiboak ditu, bai eta ikurrina garondoan.

Lehen ekipamendua osatzeko, praka beltzak eta puntuz puntuko galtzerdiak egin dira, alboko banda gorri batekin.

Atezainaren janzkerak Athleticeko atezainen kolore beltz tradizionala mantentzen du eta zelaiko jokalarien elastikoen ildotik garatu da.

Hazi, Hezi, Hemen

New Balancek Athletic Clubentzat diseinatu duen “Hazi. Hezi. Hemen” kanpainaren barruan dago ekipazio berria, athleticzale komunitate osoa harrotzen duen familia, filosofia eta kulturaren ospakizunean.

2022-23 denboraldirako ekipazio berriari dagokionez, Iñaki Williamsek nabarmendu du diseinua “bikaina, klasikoa eta gure historia handiarekin bat datorrela. Hemengo jendearentzat oso garrantzitsua da elastiko zuri-gorria harrotasunez janztea; beraz, ziur nago gure zaleei gustatuko zaiela, guri bezainbeste”.

Bestalde, Kenny McCallum New Balance Footballeko zuzendari nagusiaren ustez, “munduan ez dago Athletic Cluben tradizioa eta filosofia duen beste klubik. Aurtengo diseinuak ondare horren eragin handia izan du”

New Balance Football-ek abangoardiako diseinu-teknologia erabili du 2022/23 kamiseta guztietan errendimendu handiagoa bermatzeko. NB Dry teknologia berritzailearekin garatu da, jokalariak partidaren lehen minututik azkenera arte fresko eta lehor mantentzen laguntzeko. Elite bertsioak jacquard bidez egindako aireztapen-sistema bat du, jokalekuan erosotasuna eta transpirazioa gehitzeko.

+
Informazio gehigarria