Emakumezkoena |
Amaia Peña lagapenetik itzuli da De la Navaren lekua hartzeko
Amaia Peña lagapenetik itzuli da De la Navaren lekua hartzeko
Athletic Clubek eta Barakaldoko atezainak deslotura akordioa lortu dute eta Peñak ordezkatuko du SD Eibarren utzita jokatu ostean
Ordezkapena emakumezkoen lehen taldeko atepean. Athletic Clubek eta Andrea de la Navak akordioa lortu dute 2024ko ekainean amaitzen zen atezainaren kontratua bertan behera uzteko, eta Amaia Peñak hartuko du bere lekua.
Andrea de la Nava 2019ko udan iritsi zen Lezamara, EDF Logroñoko taldean lau denboraldi eman ondoren. Pauldarrak taldearen harrobian hezia, Barakaldokoak 2019ko irailaren 8an egin zuen debuta Angel Villacamparen aginduetara, Levanteren aurkako Ligako lehen jardunaldian, Buñolen. Ordutik, eta hiru denboralditan zehar, 45 partida ofizial jokatu ditu zuri-gorrien atea defendatzen.
Bestalde, Amaia Peña, joan den denboraldian SD Eibarren lagata, Klubeko diziplinara itzuliko da eta Mariasun Quiñonesekin lehiatuko da 2022/2023an. Portugaletekoa ere Pauldarrak taldean hazi zen, De la Navarekin batera, eta Pittsburgheko (AEB) Pitt Panthers taldean lau urte egin zituen unibertsitate-karrera ikasten ari zela. 2020an itzuli zen Klubera, eta iazko udan, utzita joan zen talde armaginera.
Athletic Clubetik eskerrak eman nahi dizkiogu Andreari hiru denboraldi hauetan erakutsitako dedikazioagatik eta profesionaltasunagatik, eta aurrerantzean zorterik onena opa nahi diogu bere ibilbide pertsonal eta profesionalean.