Eduki nagusira joan
Athletic Club - Hasiera
Txoko
Bazkideen Txokoa
undefined
Kluba |

Horrela bizi izan genituen 2022ko hauteskundeak

Horrela bizi izan genituen 2022ko hauteskundeak

Hauteskundeen minutuz minutuko datuak Athletic Cluben webgunean, profil ofizialak Twitterren eta Youtubeko kanal zuri-gorrian

00:13
Izan Athletic (Jon Uriarte), hauteskundeen irabazlea

San Mamesen emandako 23.506 botoen zenbaketa amaitu eta akta sinatu ondoren, Hauteskunde Batzordeak Izan Athletic hautagaitza izendatu du Athletic Clubeko Presidentetzarako eta Zuzendaritza Batzarako hauteskundeetako irabazle, lau urteko agintaldirako.

Arechabaleta Taldea hautagaitzak 7.927 boto (%33,72) bildu ditu.

Barkala Geuria hautagaitzak 4.262 (%18,1) boto bildu ditu.

Izan Athletic hautagaitzak 10.979 (46,71) boto bildu ditu.

Boto zuriak 213 (%0,91) izan dira.

Balio gabeko botoak 125 (%0,53) izan dira.

22:00
Botoen kontaketak jarraitzen du


21:00
Hautestontziak itxita
Hauek dira bozketak amaitu baino minutu batzuk lehenago bildutako parte-hartzeari buruzko datuak.

20:30
Oharra
Gogoan izan, hautestontziak itxi eta botoen zenbaketa amaitu ondoren, zelaira sartzeko aukera izango duela izendatze-ekitaldia ikusi nahi duenak. Irteerarako prestatu den ate beretik (2-3) sartu beharko da jendea.

20:00
Ordu bat hautestontziak ixteko
Azken 60 minutuak Athletic Clubeko bazkideek hurrengo lau urteetarako presidente berria aukeratzeko botoa eman dezaten. Hauteskundeen edizio honetako parte-hartzea 2018koa baino hamar puntu baino handiagoa da jada.

19:05
Parte-hartze altua hautestontziak ixteko bi orduren faltam
Parte-hartzeak nabarmen egin du gora 2018ko hauteskundeekin alderatuta. Ia hamar puntu gehiago azken bozketekin alderatuta.

18:05
Parte-hartze handiak bere horretan jarraitzen du
Bazkideen erroldaren %40,2k bozkatu du dagoeneko, 16.173 boto guztira, aurreko hauteskundeetan baino zortzi puntu gehiago.


Hau da hauteskunde-mahaiaren araberako ehunekoen banaketa.

17:10
Athleticen bazkideak, etengabe San Mamesera hurbiltzen
15.000 bazkide inguruk eman diote dagoeneko bere botoa Presidentetzarako hautagaiari eta bere Zuzendaritza Batzordeari.

16:55
Athleticen historian partida gehien jokatu dituen hirugarren jokalaria
Joseba Etxeberria: “Egun oso polita eta berezia da athleticzaleontzat. San Mamesera bueltatzea beti da pozgarria. Oso ondo antolatuta daude hauteskundeak”

16:05
12.542>9.959; 2022>2018
Ordu hauetan, bazkideek aurreko hauteskundeetan (2018) baino 2.583 boto gehiago eman dituzte.



15:30
Parte-hartzea hauteskunde-mahai bakoitzeko; lehenengo mahaiak portzentaje altuagoarekin
Hauek dira 15:00ak pasata mahai bakoitzeko eman diren botoen ehunekoak. 1. mahaitik 24. mahaira, bazkideek antzinatasunaren arabera bozkatzen dute. Klubari lotuta urte gehien daramaten bazkideek lehenengo mahaietan parte hartzen dute, berrienak, azkenetan.

15:05
Parte-hartze handia arratsaldeko lehen orduan
Jendetza ari da biltzen San Mamesen bere botoa emateko. Bazkideak erantzuten ari dira.

14:05
Parte-hartzearen eguneratzea
9.235 botorekin (%22,9), azken bost hauteskundeetako bigarren parte-hartze handiena. Parte-hartzea 2018koa baino bost puntu handiagoa da (%17,7).

13:40
Pablo Berasaluze, pilotari ohi profesionala: “Gertatzen dena gertatzen dela, Athleticek irabazi behar du”


13:05
%17,2ko partaidetza ordu honetan, ia 7.000 boto
6.913 boto erregistratu dira (% 17,2) San Mamesen hauteskundeak hasi eta lau orduetara. Parte-hartzea 2018koa baino ia lau puntu handiagoa da (%13,4).

12:30
Parte-hartzea hauteskunde-mahai bakoitzeko
Hona hemen mahai bakoitzeko botoen ehunekoak, hauteskundeetako lehen hiru orduak igaro ondoren. 1. mahaitik 24.era, bazkideek antzinatasunaren arabera bozkatzen dute. Klubari lotuta urte gehien daramaten bazkideek lehenengo mahaietan parte hartzen dute, berrienak, azkenetan.



12:07
Ricardo Barkalaren botoa, Athletic Geuriako hautagaia
Ricardo Barkala, San Mamesen botoa emateko eskubidea erabili duten hautagaietako hirugarrena.


12:05
%11,7ko parte-hartzea hiru orduko hauteskundeen ondoren
4.709 boto erregistratu dira (%11,7) eguerdian San Mameseko hauteskundeetan, 2018an baino 1.319 gehiago (%8,2).


11:05
Iñaki Arechabaletak botoa eman du, Arechabaleta Taldeko hautagaia
Iñaki Arechabaleta, San Mamesen botoa emateko eskubidea erabili duten hiru hautagaietatik bigarrena.


11:00
Parte-hartzea 2 puntu eta erdi igo da
2.781 boto (%6,9) San Mameseko hauteskundeen bigarren orduan, 2018an baino 1.002 gehiago (%4,3). Parte-hartzea 2011koen oso antzekoa da.

10:10
Jon Uriartek bozkatu du, Izan Athleticeko hautagaia
Jon Uriarte izan da San Mamesen botoa eman duen hiru hautagaietatik lehena.

10:05
Parte-hartzeari buruzko lehen datuak
Nabarmen egin du gora hauteskunde-eguneko lehen orduan, 2018ko hauteskundeekin alderatuta. Ordu horietan, 1.236 boto (%3,1) zenbatu dira, aurreko hauteskundeetako 697 botoekin alderatuta (% 1,7).

09:45
Aitor Elizegik, Athleticen azken presidenteak, bozkatu du
Aitor Elizegik botoa eman du jada San Mamesen. “Athleticen festa izango da. Lau urtean behin, gure batzar unibertsalera bazkideak deitzeko eta hauei hurrengo presidentea eta zuzendaritza batzordea hauta ditzala eskatzeko ohorea dugu, etorkizunari harrotasunez eta elkartuta begiratzeko, ziur aski, proiektu on batekin», adierazi du presidenteak Klubeko mikrofonoetara eskainitako adierazpenetan.



09:20
Arinen iritsi diren bazkideak
Eguzkia lagun dute San Mameseko lehen boto-emaileek. Tenperatura atsegina ekainaren 24ko goizean Bilbon.


09:00
Hautestontziak ireki dira San Mamesen
San Mames osoan zehar banatutako 24 hautestontziak zabalik daude.

08:45
Dena prest San Mamesen

Athletic Clubeko hamargarren hauteskundeak hastear dira. 40.257 bazkidek, urtebete baino gehiagoko antzinatasuna dutenek eta adinez nagusiak direnek, San Mamesen aukeratuko dute Athletic Clubeko 33. presidentea. Indarrean dagoen NANa edo pasaportea aurkeztu ondoren, botoak jasoko dituzten 24 mahaiak prest daude 9:00etatik 21:00etara hautesle zuri-gorriak hartzeko.

 

Hauteskundeen minutuz minutua jarraitu ahal izango duzu Athletic Cluben webgunearen eta euskarazko, gaztelaniazko eta Twitterreko profil ofizialen bitartez.

Gainera, hautestontziak irekitzen direnetik (09:00etan), gure Youtubeko kanal ofizialak saio berezi bat emango du zuzenean, etenik gabe, hauteskunde eguna amaitu arte. Zuzeneko konexioak egingo dira ordu bakoitzean, puntu-puntuan, hauteskundeen inguruan gertatzen den guztiaren azken ordua eskaintzeko, hiru hautagaien zuzeneko bozketa, boto eta parte-hartze portzentajeak eguneratuta eta San Mamesera botoa emateko hurbiltzen diren pertsonei flash elkarrizketak eginez.