Iñaki Arechabaletaren botoa I Hauteskundeak 2022
Iñaki Arechabaletaren botoa I Hauteskundeak 2022
Arechabaleta Taldeko hautagaiak botoa emateko eskubidea erabili du San Mamesen
Iñaki Arechabaleta, Arechabaleta Taldeko presidentegaia, San Mamesen bozkatu du 11:00ak aldera. “Kanpaina osoan lehen aldiz urduri jarri naiz, hunkitu egin naiz. Aurkezten ari zaren egunean bozkatzea, lehen mahaian… gauza asko dira. Lan handia egon da, atzean aparteko talde bat egonda”, adierazi du Arechabaletak.
Hautagaiak mezu bat bidali die bazkide guztiei: “Bazkideari parte hartzeko eta botoa emateko eskatzen diot. Horrek esan nahiko du egin duguna interesa piztu duela. Hasieratik kontsekuenteak eta profesionalak izan gara, proiektu handia egin dugu. Eman ditugun izenak ilusionagarriak dira eta neurrigabeko anbizioa dugu Athletic handi egiteko. Bazkideak gure hautagaitza saritzea espero dut”.
🗳️ HAUTESKUNDEAK 2022 I Iñaki Arechabaletak, @Arechabaleta_T taldeko hautagaiak, botoa eman du San Mamesen. #AthleticClub 🦁 pic.twitter.com/ciNUey9m9B
— Athletic Club (@athletic_eus) June 24, 2022