Valverde: “Athletic honek ilusioz betetzen nau”
Valverde: “Athletic honek ilusioz betetzen nau”
Ernesto Valverdek, gaur goizean entrenatzaile zuri-gorri gisa 2023ko ekainera arte aurkeztua izan denak, erronka “bizigarria eta motibagarria” ikusten du talde honen aulkian berriro esertzea
Ernesto Valverde hedabideen aurrean agertu da San Mameseko prentsa aretoan, bere burua 2023ko ekainera arte Athletic Clubeko teknikari berri gisa aurkezteko ekitaldi ofizialean.
Jon Uriarte presidentearekin eta Zuzendaritza Batzorde berriarekin batera, Valverdek harro hartu du berriz ere aulki zuri-gorria esertzeko ardura: “Ohorea da beti Athletic entrenatzea. Talde honek asko suposatzen du niretzat, eta badakit zer den jendearentzat, ez bakarrik Bilbon, baizik eta mundu osoan. Itzultzeko erabakia hartu nuen talde honetan erronka nahiko bizigarria eta zaila ikusten dudalako, oso motibagarria. Ilusioa pizten dit Athletic honek”.
Entrenatzaile berriak datorren astean zuzenduko du bere lehen entrenamendua, eta Athleticen “berezigarria den irudia” bilatuko du, “gure burua identifikatu eta zaleak gozarazi eta harro sentiaraziko dituena, horixe baita helburu nagusia. Lan egiteko talde ona dugu, eta hori da hemendik aurrera egingo duguna. Orain bide luzea dago denboraldia hasi arte proiektua lantzeko”.