Sergio Navarro: “Prestakuntza eta emaitza ez dira bereizi behar”
Sergio Navarro: “Prestakuntza eta emaitza ez dira bereizi behar”
Lezamako harrobiko zuzendariak bere iritzia eman digu Athleticen eman dituen lehen egunen ondoren
“Oso egun biziak dira, alaitasun eta dedikazio handikoak, Athletic zer den eta inguruan duen jendearen sustraitze-sentimendua ulertzen saiatzen”, azaldu digu Sergio Navarrok, Lezamako zuzendari berriak.
Huelvan jaiotakoa behaketa-prozesu batean murgilduta dago hasiera honetan “zer egiten ari zen bertatik bertara ikustea, profesional bakoitza bere esparruan ezagutzea eta beren lana norantz eraman nahi duten eta zein ziurgabetasun dituzten ikusteko”, Lezamako organigrama taxutu behar duten erabakiak hartzearekin batera.
“Gure beheko taldeetako jokalariek lehen taldera iritsi arte izango duten garapen prozesua humanizatu, handitu eta eraginkorrago egin nahi dugu. Halaber, Athleticen harrobiaren testuinguruan galdera berriak sortu nahi ditugu eta haientzako erantzunak bilatu”, gaineratu du Navarrok.
Bere ikuspuntua kontuan hartzen duen Athleticeko jokalari-motari dagokionez, Lezamako zuzendariak honako hau erantzun du: “Parte-hartze handiko jokalari bat, koloreak sentituko dituena, aurkaria beti kezkatuko duena, baina, batez ere, jokoa ondo ulertuko duen futbolaria. Gauzak azkar egin behar dira, baina beti helburu batekin”.
Azkenik, prestakuntza eta emaitza eskutik doazela defendatu du Navarrok: “Dena joko berean dago, irabazi nahi duzu eta jokalariarengan aukera guztiak sortu hortik gertuago egoteko”.