Zirrara handiko gaua Muniain eta Eguarasentzat

Athletic Club familia talde bat da, istorio ederrak biltzen dituena. Iker Muniain eta Iñigo Eguarasena, esaterako. Union Deportiva Txantreako kideak eta bere lagun koadrila, Nafarroako ikuskatzaileek kimu adinean zeuden bi jokalariengan jarri zuten arreta, Fernando Lamikizen presidente eta Txema Noriegaren kirol zuzendari zireneko garaian. Bien argazki bat dago Athletic Museoan, anaiekin eta agintariekin batera. Elastiko zuri-gorria jantzita, Muniainek eta Eguarasek elkarrekin ikusi zuten Malagaren aurkako partida, zuri-gorrien garaipena erdietsi zutenekoa.

Elkarrekin integratu ziren infantil mailako lehen taldean, mila bizipen partekatu zituzten Derioko egoitzan, eta bakoitzak bere ibilbide propioa garatu zuen, Ikerrena garatuagoa, lehen taldearekin 505 partida jokatzera eraman duena. Eguaras ere bere ibilbideaz oso harro egon badaiteke, Lezama utzi zuen Bilbao Athleticeko kapitain gisa, Klubean hamarkada bat eman ondoren, eta bide luzeagoa hartu zuen Lehen Mailara iristeko. UD Almeriak neguko azken merkatuan sinatzeko aukera eman zion eta mailaz gora egin zuen.

Aurrean du maila gorenean San Mames lehen aldiz zapaltzeko eta Athleticeko anaiatzat duen Iker Muninekin lehiatzeko abagunea. Elkartze ahaztezina izango da bientzat, nahiz eta dagoeneko lehen elkarrizketa xume bat izan duten. Gure kapitainak bideo-dei bat egin nahi izan zuen berarekin Athleticen harrobiaren egoitza berritik, garai zaharrak eta pasadizoak gogoratu eta ostiraleko partidari begira motorrak berotzeko. Sentimenduz beteriko edukia.