Athletic Cluben jarrera Kirolaren Legeari buruz

Athletic Clubeko presidenteak, Jon Uriartek, Ibaiganek Kirolaren Legearen zuzenketa saiakeraren inguruan duen jarrera jakinarazi du. Agintari zuri-gorriak merkataritza-aktiboen salmenta zentralizatuari, CVC-rekiko akordioari eta Superligari buruzko jarrera azaldu du; izan ere, aurkeztutako formatuan izandako garapenaren aurka dago.

"Athletic Club ez da Real Madrid edo FC Barcelona babesten ari, bere interesak eta bazkideenak defendatzen ari da. Eztabaida ez da Superliga bai edo Superliga ez. CVC-rekin lortu zen akordioari eta merkataritza-aktiboen kudeaketa zentralizatuari buruzkoa da. Athletic Clubek Superligari buruz duen jarrera, daukan informazio mugatuarekin eta aurkeztu zen formatuan, bere garapenaren aurkakoa da. Baina hori ez da Superligari buruzkoa, LaLigaren jarduera ekonomikoen kudeaketari buruzkoa baizik", Uriartek nabarmendu duenez, Kirolaren Legea aldatzeko ahaleginari buruzko funtsezko egun batean.

Presidenteak defendatu du urte hauetan Ligaren hazkundea izugarria izan dela: "Ikus-entzunezko eskubideengatiko diru-sarrerak eta merkataritza-aktiboak hazi baino ez dira egin. Gu beti egon gara hazkunde horren alde, babestu ditugu eta funtsezko protagonista izan gara. Aktibo komertzial batzuk batera saltzearen alde gaude. Noski, uste dugu LaLigaren izena, baloia edo denboraldi bakoitzeko kromoak horrela merkaturatuko direla. Eta hori indarrean dagoen legediarekin egin da, eta arazorik gabe egiten jarrai daiteke".

"Liga profesionalen eskumenei buruzko 89. artikuluaren transakzio-zuzenketarekin lortu nahi izan dena da aztertu eta gerora baliozkotzea LaLigak eta CVC Inbertsio Funtsak ("LaLiga Impulso" izenekoa) lortutako akordioa, gaur egun Real Madridek, FC Barcelonak eta Athletic Clubek judizialki aurkaratzen dutena", adierazi du.