Partida aurrekoa: UD Alzira-Athletic Club (1. K Kopa)

Athletic Club Kopako aurtengo edizioan estreinatuko da. Zuri-gorriek Union Deportiva Alzirari egingo diote bisita lehen kanporaketan, aurreko bi denboraldietan jokatu behar izan ez zutena Superkopa jokatzeagatik salbuetsita baitzeuden.

Lehoiek historian zehar 24 aldiz irabazi duten txapelketa honetan urrutira iristen saiatuko dira berriz. Bere lehen oztopoa Segunda RFEF-ko III. multzoan dagoen arerio bat izango da. Gaur egun hamaseigarren postuan dago, 8 punturekin, bi garaipen, bi berdinketa eta sei porrot eskuratuta eta aldeko 11 goleko eta kontrako 15 goleko balantzea du. Valentziarrak Koparako sailkatu dira Copa Federacion-eko finalaurrekoetara iristeagatik. Finalera arte ere egin zuten aurrera, baina CD Arenteiro galiziarraren aurka galdu zuten luzapenean.

Deialdia

Entrenatzaile zuri-gorriak ondorengo futbolarien zerrenda osatu du UD Alziraren aurka jokatzeko. Dani Garcia kanpoan geratu da beste behin, lesionatuta baitago. Bestalde, Morcillok ez du taldearekin batera bidaiatu arrazoi teknikoengatik.

Valverde

Errepasatu hemen Ernesto Valverderen adierazpenak, valentziarren eta bilbotarren arteko aurrez-aurrekoaren atarian.

Aurkaria

UD Alzira 1922ko azaroaren 2an sortu zen Alcira Football Clubetik dator. Beraz, bere mendeurrena ospatzen ari da. Bigarren denboraldia du Segunda RFEF-en, estatuko futbolaren laugarren mailan, joan den denboraldia zazpigarren postuan amaitu eta orain dela bi urte Hirugarren Mailatik igo ondoren. 1988an Bigarren Mailara iristea lortu zuen, baina urtebete geroago Bigarren B Mailara itzuli zen. Hau da Kopan parte hartzen duen hirugarren aldia 2008/09ko edizioko bigarren kanporaketan Club Granada 74 taldeak penaltietan kanporatu ostean. Lehenago, SD Ejea utzi zuen bidean. Aurreko denboraldian CF Fuenlabradaren aurka galdu zuen zuen lehen kanporaketan. Luis Suñer Pico estadioan jokatzen ditu bere partidak, 1973an inauguratua eta 4.200 ikusle ingururentzako edukiera duena.

UD Alzira eta Athletic Cluben arteko lehen norgehiagoka ofiziala izango da. Hala ere, bi taldeek 2011ko uztailaren 20an Luis Suñer Pico futbol zelaian jokatutako lagunartekoan neurtu zituzten indarrak, Gurpegui eta Llorenteren (birritan) golei esker lehoien aldeko 0-3-ko emaitzarekin amaitu zena. Gaur eguneko jokalarien artean, Ander Herrera egon zen partida horretan.

Athleticzaleak munduan zehar

Zauden lekuan zaudela, ez galdu Athleticen partida!