Yulema Corres eta Naroa Uriarte, erabilgarri berriro

Athletic Clubek jokalariak berreskuratu ditu Realaren aurka jokatzeko. Albiste onak datoz Naroa Uriarte eta Yulema Corresentzat. Bakioko defentsak ia urtebete darama jokatu ezinik, aurreko lotailu gurutzatua hautsi baitzuen eskuin belaunean. Lesioa 2021eko abenduaren 22an izan zuen. Sendatze-prozesua gogorra eta luzea izan da, bi ebakuntzarekin. Lehenengoa, 2022ko otsailean, eta azkena, abuztuan, sortu ziren atxikipenak kentzeko. Naroa Iraia Iturregiren esanetara dago berriro eta prest dago atzealde zuri-gorriko kide izateko eta berriro futbolari sentitzeko.

Erasoan, Iturregik Yulema Corres berreskuratu du. Gasteiztarrak, Athletic Clubekin 200 partida jokatzetik gertu, aurreko hilabetean izan zuen lesioa soleoan, irailean beste ezbehar bat izan ondoren. Real Madriden aurka minutu batzuk baino ezin izan ditu jokatu etxean. Beraz, aurrelariak larunbatean San Mamesen jokatuko den derbian berragertzeko aukera izango du.

Bajen atalean, Irene Oguizak min hartu du eskuin belauneko meniskoan eta ezin izango du talde donostiarraren aurka jokatu.

• Irene Oguiza: kanpoko meniskopatia eskuin belaunean. Bilakaeraren zain.