Elkarbizitza jardunaldiak Lezaman Tomas Deunaren egunean

Lezamak bere Tomas Deunaren egun berezia ospatu zuen atzo, Kluba harrobiko jokalarien familiei hurbiltzeko balio izan duen jai handi batekin.

18:00ak aldera, Klubeko talde guztiak elkartu ziren musikaz, janariz eta opariz beteriko arratsaldeaz gozatzeko. Jokalariek beraiek gidatu dituzte euren familiak Lezamako instalazio berrietan zehar. Askorentzat ezezagunak ziren pandemiaren eta birmoldaketa berriaren ondorioz itxita egon ondoren.

Lezamako aldagelak, entrenamendu-zelaiak, bulegoak, prentsa-aretoak, ikus-entzunezkoen aretoak eta gainerako guneak ezagutu ondoren, taldeak pabiloira joan dira eta bertan Tomas Deunaren eguneko talo klasikoa dastatu ahal izan dute. Ondoren, eta txikienen gozamenerako, lehen taldeetako kideek emandako objektuak zozketatu dira.

Ekitaldiari urrezko amaiera Iñaki Williamsek eman dio, eta bertan zeudenak ustekabean harrapatu ditu festan agertuz, taldeekin eta haien familiekin tarte bat pasatzeko. Egun osoa jai giroan igaro da, Taberna Ibiltariaren musikak girotuta.