Kamiseta historikoen erakusketa Max Centerren

Kamiseta historikoen erakusketa Max Centerren

Aste honetatik aurrera, Barakaldoko merkatal-gunean Athletic Cluben 125. urteurrena ospatzeko sei kamisetak izango dira ikusgai

Barakaldoko Max Centerrek Athletic Cluben 125. urteurrena ospatzeko kamiseten bilduma hartuko du gaurtik, urtarrilak 26, osteguna, aurerra. Sei erreplika historikoak urtarrilaren 21ean aurkeztu ziren, Bilboko museo garrantzitsuenetako batzuetan. Jose Angel Iribarrek, Andoni Goikoetxeak, Ernesto Valverdek eta Oscar De Marcos eta Ander Herrera jokalariek Guggenheim, Biboko Arte Ederren Museoa, Euskal Museoa, Itsasmuseum, AC Museoa eta Ibaigane ondoan jarritako erakusketariak bisitatu zituzten. Erakusketa horrek interes handia piztu zuen, eta orain Barakaldoko merkataritza-gunean ikus daiteke, Athletic Clubek bere lau denda ofizialetako bat baitu bertan. Kamisetak denda feisikoetan zein online dendan eros daitezke.

Hauek dira Max Centerren ikusgai dauden sei kamisetak:

Lehena

Athletic Clubeko lehenengo kamiseta, armarriduna, urdina eta zuria zen, 1902koa. Bilduma historiko honetako Lehena kamisetak, lepoak, botoiak eta mahuka luzea dituenak, klubaren jatorriari omenaldia egiten dio eta erdi urdina eta erdi zuria den diseinu fundazionala mantentzen du.

Zurigorria

Zurigorria izena duen Athletic Cluben lehen elastiko zuri-gorriaren erreplika betierekoa da eta ez da modaz pasatzen. Bere mahuka luzeek, lokarri klasikoek, armarri zaharrak eta artisau-lanak Klubaren garai loriatsu batera, Belauste eta Pitxixirenera, lehen Kopetara eta 18 eskualde-txapelketetara garamatzate.

Txapelduna

Athleticen palmares zabala dela eta (8 Liga, 24 Kopa, 3 Superkopa), kamiseta honen diseinua aukeratzeak zailtasun handia zekarren. Athleticen historiako bi talde arrakastatsuenetako mito bat hautatzea bezala: gerra aurrekoa, 4 Liga eta 4 Kopa irabazi zituena, eta Clementek entrenatu zuena, azken bi Liga eta Kopa irabazi zituena. Buruhauste askoren ondoren, 1973ko Kopa irabazi zuen taldearen lepo borobileko kamiseta aukeratu da, ez bakarrik Clementek berak jantzi zuen Txapelduna kamiseta izateagatik, baita Athletic Cluben 75. urteurreneko kamiseta ere delako.

Europa

Elastiko zuri-gorri honek Athletic Clubek 1977ko UEFA Kopako finalean jantzi zuena du inspirazio iturri. Dani kapitainak 1984ko Kopako finalean eraman zuenaren oso antzekoa da ere.

Atezaina

Atezainaren elastiko beltzaren irudia Jose Angel Iribar Txopoaren irudiari estu lotuta dago. Kolore hori aukeratu zuen 'Armiarma Beltza'-ren omenez, Lev Yashin atezain errusiarra. 2012an Iribarrek Yashinen hilobia bisitatu zuenean, atezain guztien ordezkari zela adierazi zuen. Atezaina kamisetak dotorezia eta historia transmititzen ditu lau alboetatik,

Manchester

Manchester oihartzun bikaineko hitza da familia athleticzalearentzat. Europako Koparen eta San Mames elurtuaren antza du, eta Busby Babesen aurka 5-3 amaitu zen partidaz hitz egiten zuen senide baten nostalgia ere dakar. Old Trafforden Athleticen ereserkia abesten ari ziren milaka zaleen irudiaren antza ere badu, ikurrinaren koloreekin jantzitako hamaika lehoi ausartek Sir Alex Fergusonen Manchester United ahalguztidunaren aurka garaipen itzela eta historikoa lortzen zuten bitartean.