Bazkidearen Defentsa Erakundea, martxan
Bazkidearen Defentsa Erakundea, martxan
Athletic Cluben dagoeneko gaitu du webguneko Txokoan Gontzal Severri, Bazkideen lehen Defendatzaileari, Estatutuetako 13. artikuluarekin lotutako kontsultak egiteko aukera
Estatutu Sozialen 59. artikuluak agindu bezala, Athletic Clubeko bazkideek badute euren Defentsarako ordezkaria den Gontzal Severri kontsultak egiteko aukera, webguneko Txokoan ("Bazkideentzako zerbitzuak" atalean) edota San Mameseko Bazkideentzako Arreta Bulegoan.
Bazkidearen Defentsa Bulegoaren berezko gaiak Estatutuetako 13. artikuluan aitortutako eskubideak dira, Klubeko edozein estamentuk, bai langileek bai Zuzendaritza Batzordeko edozein kidek urratu litzakeenak, eta, bereziki, honako puntu hauek:
- Bazkide guztien berdintasun-printzipioa.
- Informaziorako eskubidea
- Adierazpen askeko eskubidea.
- Hauteskunde-eskubideak.
- Diziplina Batzordearen aldetik entzuna izateko eskubidea, haren aurka diziplina-neurriak hartu aurretik, eta neurri horiek eragin dituzten gertakarien berri izateko eskubidea, zehapena ezartzen duen erabakia arrazoitua izanez gero.
- Batzar Nagusira bertaratzeko eskubidea, presentzialki edo bitarteko elektronikoen bidez.
- Klubera jotzeko eta aukeratzen dituzten hizkuntza ofizialetako edozeinetan erantzun egokia jasotzeko eskubidea.
- Eguneko gai-zerrendarekin zerikusia duten galderak egiteko eskubidea, Konpromisarioen Batzarrean erantzuteko, nahiz eta izaera hori ez izan.
- San Mamesen eta Klubeko beste instalazioetan jokatzen diren futbol partidetara sartzeko eskubidea, gizonezkoen eta emakumezkoen taldeek parte hartzen duten Liga eta Kopako txapelketa ofizialei dagokienez.
- Konpentsazio ekonomikoa jasotzeko eskubidea, eserlekuz borondatez aldatzen ez bada, erabaki hori hartzera behartu duten ezohiko arrazoiak justifikatuko dituen ebazpen arrazoitua eman ondoren, betiere esleitutako eserleku berria aurrekoaren baliokidea ez bada ( 14.3 artikulua). Arrazoi arrazoiturik eta idatzirik ez badago, Defentsa Erakundean ere kexa daiteke.
Era berean, Defentsa Erakundeak beste edozein kexa izapidetu eta, hala badagokio, aintzat hartu eta erantzun ahal izango du, baldin eta bere ardurapeko gaia izan daitekeela uste badu.
Nolanahi ere, Defentsa Erakundeak esku hartzeko eskaera egin aurretik, beharrezkoa izango da Klubeko edo Zuzendaritza Batzordeko edozein estamentuk jarduera, erabaki, komunikazio edo ebazpen bat izatea, eragindako elkartekidearen iritziz, goian adierazitako eskubideetakoren bat urratu duena.