Kopako finalerdia: Gazte Abonoentzako sarrerak

Athletic Clubek joan den abuztuan webgunearen bidez jakinarazi zuenez, Kopako partidak ez daude Gazte Abonoan sartuta; beraz, joan den urtarrilean Bartzelonako RCD Espanyolen aurkako kanporaketan gertatu zen bezala, CA Osasunaren aurka jokatuko den Kopako finalerdietako itzulerako partidarako Ipar Behe Harmailako eserlekuak erosteko eskubidea esleitzeko prozesua apirilaren 4an, asteartean, 21:00etan, irekiko da.

Prozesu honetan, Gazte Abonoek ere parte hartuko dute, baldin eta bere eserlekua LaLigako partiden %85ean baino gehiagotan San Mameseko partidetara joan edo eserlekua Klubari laga badiote. Era berean, bere garaian Gazte Abonoen zozketan izena eman zuten 14 eta 28 urte bitarteko Club Athletic-eko kideak ere sartzen dira, baldin eta sarituak izan ez baziren edo, sarituak izan ziren arren, azkenean eskuratu ez bazuten ere.

Zozketan izena eman zuten Gazte Abonoak eta Club Athleticeko kideak ez dira Ipar Behe Harmailan dauden 2.175 sarrera baino gehiago, beraz, erantsitako zerrendan argitaratzen diren Gazte Abonoen zein Gazte Club Athleticeko kodeek sarrera bat erosi ahal izango dute Ipar Beheko Harmailan, 25 euroko prezioan, larunbat honetatik aurrera, martxoaren 18tik, martxoaren 31ra, 17:00ak arte, Klubaren webgunean eta helbide elektronikora bialduko zaien estekaren bitartez. 

Horiek guztiak, eta denboraldi hasierako Gazte Abonoen zozketan izena eman zuten Club Athletic-eko kideak, posta elektronikoz jakinaraziak izango dira prozesu honi eta haien sarrera eta bertara sartzeko gakoak eskuratzeko estekari buruz.

Aipatutako epea amaitzean saldu ez diren Ipar Beheko Harmailako sarrerak salgai jarriko dira martxoaren 31tik aurrera, ostiralean, 17:30ean, 30 euroko prezioan.