Zazpi lehoikumek hasiko dute denboraldiaurrea Valverderekin

Ernesto Valverdek Bilbao Athleticeko zazpi jokalari izango ditu denboraldiaurreari ekiteko. Horietako bi atezainak dira: Alex Padilla (19 urte), iazko udan lehoiekin ibilitakoa, eta Oier Gastesi (19), aurreko denboraldian Basconian aritu zena eta orain bigarren taldera igoko dena.

Hiru atzelari estreinatuko dira, Hugo Rincon (20 urte) eta Miguel Barandalla (19) hegalekoak, eta Unai Egiluz (21) erdikoa, 27 partida jokatu dituena bigarren taldean. Rinconek 29 partidutan hartu du parte, eta ezker hegalekoak, Basconian jokatu duenak, lehen minutuak izan ditu lehoikume gisa.

Beste biak erdilariak dira, Unai Gomez (20 urte) eta Junior Bita (18), bigarren itzulian lehen taldeko entrenamenduetan ohikoak izan direnak, bai eta azken deialdietan ere. Bermeotarra funtsezkoa izan da bigarren taldean, 34 partidatan hartu du parte eta bi gol sartu ditu, eta azken jardunaldietan Valverdek lehen taldeko dinamikan sartu zuen. Bitak hamar bat partida jokatu ditu Bilbao Athleticen, eta azken hiru jardunaldietan lehen taldek deialdietan sartu da. 

Padillaren eta Gastesiren parte hartzeak atezainen beharrari erantzuten dio, Unai Simon eta Julen Agirrezabala beranduago sartuko baitira denboraldiaurrean, nazioarteko konpromisoengatik.

Asier Villalibrem duela hamar egun Deportivo Alavesekin igoera lortu ondoren, eta Sancet eta Paredes, oraindik 21 urtez azpiko Europako txapelketan murgilduta daudenak, geroago batuko dira lan saioetara.