Lehen taldea | 2023 uzt 13

Athletic Club Mexikora joango da ostiral honetan 24 jokalarirekin

2023 uzt 13

Unai Simonek bat egiten du espedizioarekin, ia mende erdi geroago Mexikon bi partida jokatzeko

Athletic Club Mexikora itzuliko da bihar ia mende erdi geroago. Chivas eta Necaxaren aurka denboraldia prestatzeko bi partida jokatuko ditu. Espedizioa Madrilerako hegaldian abiatuko da 09:45ean Loiutik eta 14:45ean Guadalajararako hegazkin batekin lotuko da Mexikoko hiriko Hilton Midtown hotelean ostatu hartzeko.

Lehen partida, Guadalajarako Akron zelai ikusgarrian, Gernikako Arbola Sariaren itzulerari dagokio. San Mamesen 2-0 bukatu zen joaneko partida, Berenguer eta Sanceten golekin. Lehoiek nahikoa dute larunbatean berdintzea edo irabaztea garaikurra altxatzeko, ez baita golen abantaila zenbatzen. Partida 12:00etan jokatuko da, Bilbon, 20:00etan.

Ondoren, asteazkenean, hilak 19, Valverderen mutilek Necaxaren aurka neurtuko dituzte indarrak Victoria de Aguascalientes zelaian. Etxekoen mendeurrena da eta 21:00etan ospatzen da, ostegun goizaldeko bostetan. Behin norgehiagoka jokatuta, lehoiek geldialdia egingo dute Mexiko DFn eta Madrilen, ostiralean, hilaren 21ean, Lezamara iristeko.

Ernesto Valverdek 24 jokalari eramango ditu Mexikora: Unai Simon (lanera itzuliko da UEFA Nations League-n atseden hartu ondoren) eta Alex Padilla atezainak, Hugo Rincon, Iñigo Lekue, Dani Vivian, Peru Nolaskoain, Unai Egiluz eta Alex Petxarroman atzelariak; Unai Vencedor, Mikel Vesga, Beñat Prados, Junior Bita, Unai Gómez, Ander Herrera eta Iñigo Ruiz de Galarreta erdilariak; eta Raul Garcia, Iker Muniain, Berenguer, Guruzeta, Adu Ares, Nico Serrano, Javi Martón, Nico Williams eta Morcillo aurrelariak.

Lezaman lan berezia egiten ari dira De Marcos, Iñaki Williams, Dani García, Villalibre, Yeray, Yuri Berchiche eta Imanol García de Albeniz, baita Gastesi eta Barandalla ere. 21 urtez azpiko Europako txapeldunordeek, Sancetek, Agirrezabalak eta Paredesek atseden hartzen jarraitzen dute.

Espedizioan Jon Uriarte presidentea, hiru zuzendari, Jon Salinas idazkaria, Ibon Naberan diruzainordea, Ainhoa Izu batzordekidea, Jon Berasategi zuzendari nagusia eta Mikel Gonzalez Futboleko zuzendari nagusia izango dira.