Martonen lagapena CD Mirandesera
Martonen lagapena CD Mirandesera
Aurrelariak LaLiga Hypermotion mailan jokatzen duen taldean hazten jarraitu ahalko du eta Athleticek neguko merkatuan berreskuratzeko aukera izango du
Athletic Clubek eta Club Deportivo Mirandesek akordioa lortu dute Javier Marton aurrelariak (24 urte) Anduvan utzita joka dezan denboraldia amaitu arte. Talde zuri-gorriak erasotzaile nafarra neguko merkatuan berreskuratzeko aukera izango du.
Marton libre iritsi zen uda honetan Realetik Athleticera, eta orain futbolari gisa hazten LaLiga Hypermotion mailan jarraitu ahal izango du, estatuko futbolaren bigarren mailan.
Ernesto Valverdek antolatutako denboraldiaurrean parte hartzetik indaberrituta iritsiko da; izan ere, Necaxaren aurkako lagunartekoan debuta egin eta bi gol zituen, eta horiei SD Eibarren aurka Las Llanasen sartu zuena gehitu behar zaie. Erasoko jokalaria LaLigako hiru partidetako deialdian sartu da, baina ez du debuta egiteko aukerarik izan.