Partida aurrekoa: Athletic Club-RC Celta (LaLiga 13. J)
Partida aurrekoa: Athletic Club-RC Celta (LaLiga 13. J)
Lehoiek bizi duten une onari jarraipena eman nahi diote San Mameseko gotorlekuan
Txapelketaren lehen herena bete da eta Athletic Clubek bere emaitza dinamika onarekin jarraitu nahi du nazioarteko geldialdi berri baten aurretik. Lehoiek LaLigako hamahirugarren jardunaldiari hasiera emango diote. Sailkapenean arazoak dituen, baina egungo egoera zailari buelta emateko ahalmena ere daukan RC Celta izango dute aurkari San Mamesen.
Deialdia
Teknikari zuri-gorriak 22 jokalari deitu ditu RC Celta taldearen aurka jokatzeko. Yeray, Yuri eta Ander Herrera baja dira lesionatuta daudelako. Azkeneko jardunaldia galdu egin zuen Raul Garcia ordea zerrendara itzuli da. Bestalde, harrobiko jokalariak diren Adu Ares eta Unai Gomezosatuko dute Valverderen zerrenda.
Valverde
Errepasatu hemen LaLigako hamahirugarren jardunaldiaren atarian Ernesto Valverdek egindako adierazpenak.
El rival
1923ko abuztuaren 23an sortua, Real Fortuna eta Vigo Sportingek bat egin ondoren, RC Celtak 100 urte bete berri ditu. Zelestarrek 1939/40 denboraldian egin zuten debuta Lehen Mailan, eta ordutik 58 ikastaro egin dituzte elitean, azken hamabiak jarraian, 2011/12an azken aldiz gora egin ondoren. Bere sailkapen historikorik onena 2002/03 denboraldian lortutako laugarren postua da, hurrengo urtean Txapeldunen Liga jokatzeko aukera eman ziona. Final-hamaseirenetara iritsi zen eta Arsenalek kanporatu zuen. Gainera, 2000/01 denboraldian Intertoto titulua lortu zuen eta egungo Europa Leagueko hainbat ediziotan parte hartu du, non 2016/17an finalerdietara iristea lortu zuen. Bestalde, hirutan izan da Kopako finalista.
Rafa Benitezek aulkitik zuzentzen duen taldea jaitsiera postuetan dago, zazpi punturekin eta salbaziotik bira. Galiziarrek liga partida bakarra irabazi dute orain arte eta bi hilabete baino gehiago igaro dira ordutik.
Estatistikak
1939/40 denboraldian LaLigan lehen aldiz indarrak neurtu zituztenetik, RC Celtak eta Athletic Clubek 114 partida jokatu dituzte guztira maila gorenean, eta zuri-gorriek aldeko balantzea dute: 60 partida irabazi dituzte, 24 berdindu eta 30 galdu.
San Mamesen jokatu diren ligako 57 norgehiagokei dagokienez, Athleticek 41 garaipen, 11 berdinketa eta 5 porrot lortu ditu orain arte.
Bi taldeek Katedralean jokatutako azken bost neurketei erreparatuz, Athleticek bi garaipen lortu ditu, beste horrenbeste aldiz galdu du eta berdinketa bat erdietsi du.
Kontsultatu RC Celta taldearen aurkako estatistika guztiak.
Athleticzaleak munduan barrena
Zauden lekuan zaudela, ziurtatu zaitez gure Athleticen neurketa ez galtzeaz.
