Txitxo Amezketa: Bost hamarkadako harreman emankorraren aitzindaria
Txitxo Amezketa: Bost hamarkadako harreman emankorraren aitzindaria
Iruindarra izan zen Lezamara iritsi zen lehen futbolaria, UDC Txantrea KKE taldearekin hitzartutakoaren ondorioz
1951ko martxoaren 16an Nafarroako hiriburuan jaioa, Jose Luis "Txitxo" Amezketak 1973an ireki zuen beste jokalari askok gerora egin duten bide bat: UDC Txantrea KKEtik Athletic Clubera jauzia ematea. CD Oberena taldean nabarmendu eta gazte mailako Nafarroako selekzioan jokatu ondoren, Iruindarrak auzoko taldera joatea erabaki zuen, talde zuri-gorriarekin hitzarmen akordioa sinatu berri zegoela. Horren ondorioz, UDC Txantrea KKE-rekin “lau edo bost” partida jokatu ondoren, Piru Gainzaren eskutik, Athletic Clubek Lezaman ireki berri zituen instalazioetara eraman zuen.
Klubeko bere ibilbidea eten egin zen soldadutzaren derrigortasunak lehenik eta lesio larri batek ondoren, hala ere, filialeko kide izan ahal izan zen eta lehen taldearekin lagunarteko hainbat partida jokatu ahal izan zituen. 1974ko urrian, Bilbao Athleticekin jokatuz, Torrelavegako Gimnastica taldearen kontra, aurkari batekin izandako norgehiagoka batean, belauneko aurreko eta atzeko lotailu gurutzatuak apurtu zituen, meniskoa hausteaz gain. Egoera horrek Patxi Angulo doktorea bera ere izutu zuen, gaitzaren larritasuna zela eta. Lesio horrek Amezketaren debuta zapuztu zuen lehoiekin, hurrengo igandean UD Salamanca-ren aurka lehen taldearekin jokatuko zuela bazekielako.
Bere sendatze prozesu luzean, Miguel Gutiérrez fisioterapeutaren laguntza paregabea izan zuen, "betiereko esker ona" erakusten baitio. Lan horri esker, behin Lezamatik kanpo, Calahorra CD, CD Tudelano, CD Sangüesa edo Tafallako Peña Sport FC taldeetan jokatzen jarraitu ahal izan zuen. Ordurako, baloia eta liburuak uztartzen zituen, hainbat hamarkadatan zehar irakasle gisa aritu baita. Hori dela eta, oinarrizko futbolean ikasketak eta prestakuntza zaintzeko mezua ere zabaldu nahi izan zuen.