Tolosan hazi eta Laudion errotutako lehoia

Tolosan jaio eta Laudion finkatutako jokalariak 30 urteak beteta bete zuen talde zuri-gorriko defentsaren ezker hegala, Luis De la Fuenterekin batera. Jose Mari "Txato" Nuñezek funtsezko garrantzia izan zuen 1984an lortutako Kopan. Izan ere, finalerdietan Real Madrilen aurka penalti erabakigarria sareratu zuen eta finalean FC Barcelona garaitu zuen hamaikakoaren parte izan zen baita.

1952ko urtarrilaren 22an sortu zen, Tolosan, eta bere herriko Urdiña Txikian hasi zen nabarmentzen, bere belaunaldiko beste futbolari handi batzuen sorterrian, hala nola Periko Alonsorena (Xabi eta Mikel Alonsoren aita) kasu. Harekin talka egin ondoren, Nuñezek sudurra hautsi eta "Txato" izena irabazi zuen. 

Lezamara iritsi eta Bilbao Athleticetik igaro ondoren, 1974ko irailaren 7an egin zuen debuta lehen taldearekin, Iribar, Carlos edo Txetxu Rojo bezalako mitoekin hamaikakoa partekatuz, besteak beste. Ondoren, bi denboraldi eman zituen Real Sporting de Gijón taldean utzita, 1978ko udan Athletic Clubera itzultzeko. Lehen taldeko kide eta kapitainetako bat izan zen 1986 urtea bitarte. 

Guztira, 258 partida jokatu zituen lehoi gisa, 11 sasoitan banatuta, eta 2 tanto lortu zituen. Ondoren, Klubeko zuzendaritza batzordeko parte izan zen José Julián Lertxundi presidentearen lantaldean (1990-1994), eta lehen taldeko delegatu moduan moduan aritu zen 17 urtez.

Lau hamarkada geroago, eta erakundearen 125. urteurreneko azken jaian ospatu zen jokalari ohien partidan aritu izana eskertzeko, "Txato" Nuñezek lau hamarkada lehenago lortutako arrakastak gogoratzen ditu, "hitzez adierazi ezin diren" bizipenak direla azpimarratuz, eta egungo taldeak eta belaunaldi berriek ere bizi ahal izateko nahia eta konbentzimendua agertuz.