Lezamako partidetara sartzeko modu berria
Lezamako partidetara sartzeko modu berria
Bazkideek Emakumeen eta Bilbao Athleticen arteko partida bakoitzerako sarrera doan jaso beharko dute, Gazte Abonoak eta Club Athleticek bezala. Gainerako ikusleek ere webgunean erosi ahal izango dituzte
Athletic Clubek Lezaman jokatuko diren partidetara sartzeko eredu berria jakinarazi nahi du. Edukiera hobeto kontrolatzeko eta nahi duten bazkideek emakumezkoen lehen taldearen eta Bilbao Athleticen partidetara joatea bermatu ahal izateko, online sarrerak aldez aurretik jarriko dira erabilgarri Klubaren webgune ofizialean.
Bazkideek lehentasunez erosteko epe bat izango dute beti euren doako sarrera erosteko eta horrela Lezaman egon daitezkeen ilarak saihesteko. Ondoren, nahi duten zaleek sarrerak online ere erosi ahal izango dituzte (eredu honetako berritasun nagusia. Bazkideek ere euren sarrerak 0 €ko prezioan erosten jarraitu ahal izango dute epe horretan).
Gazte Abonoa eta Club Athleticen kideek ere 0 €ko prezioan lehentasunezko salmenta izango dute, data berdinetan. Sarrera gailu elektronikoetan inprimatuta eraman edo erakutsi ahal izango da.
Sarrerarik gabeko sarbidea
Bazkide, Gazte Abonoa eta Club Athleticen kideek sarrera erosi ez badute lehentasunez edo geroago (beti 0 €ko prezioan), Lezamara joaterakoan partida hasi arte online salmenta kanal berean egin ahal izango dute. Horretarako, QR kodea duten kartelak aurkituko dituzte Lezamako txarteldegien ondoan, plataformarako konexioa errazteko.
Klubak laguntza berezia emango du txapelgorrien presentzia indartuz, gerta daitezkeen gorabeherak konpontzeko. Azken kasuan, leihatiletatik pasa ahal izango dira eta bakoitzak bere txartelarekin identifikatuko dira sarrerak lortzeko, hauek agortu ez badira.
Bazkide txartela, Club Athletic edo Gazte Abonoa edo app ofiziala EZ da baliagarria izango instalazioetara zuzenean sartzeko.
Lezamako hurrengo partidetarako erabilgarri dauden sarbideak:
- Bilbao Athletic - CD Izarra (Segunda Federacion) – lr. 3 ots (17:00etan)
- Bazkide, Gazte eta Club Athleticentzat 0 €-ko lehentasunezko salmenta.
- Salmenta orokorra otsailaren 1etik aurrera.
- Athletic Club - UD Tenerife (1/4 Erreginaren Kopa) – az. 7 ots (18:30ean)
- Bazkide, Gazte eta Club Athleticentzat 0 €-ko lehentasunezko salmenta.
- Salmenta orokorra otsailaren 1etik aurrera.